JEREMIA 47 - OTSAO BAIBEL (BSI)

Filistia bama Jowanpa Kaxho

¹ Ijip nok wanghome Gaza to singüi thoma, Filistia makhange Jowanpae ku füi akax.

² Chixe thüi: “Hulax! Shuakuxchi ma ti mwople dongle shuanu tuita tichen mualyemle fütkya ningle a. Ibue chaxwantok tamchu ima atüitüi to komle chwopüi, ikhato to tüikya tingnubu hia khünaknu pangwüi to a. Khünaknue fonghüile akhongüi; chaxwan tok ma tüikya pangwüi mongmaxle sopüi.

³ Hwome manbu chisok zing atat ang kopüi, man-kanlinbu hüikya zing, zyen chabu atüikya zing a. Honu-hopa hwom naosom hwom hanpakma aküile münchatüi; ibu ngünlaxle hwom chakbu a ofai-oshok ang achangle paoüi.

⁴ Filistia amüt angkya tunu-wansa nguile hüidaoa, Tair hia Sidon nyi füi atale tüikya ofong-otsox ojem atsai ang. Ku, Jowanpae Filistia nok amütüi, Kret nok tinu kax tokya nguikya pangnusa a.

⁵ Gaza angkya khünaknu hato huanu mongma hüidaoa, ilaxle Ashkelon angkya khünaknu a dang daoa. Mama Filistia nokbue chemtukux mang sople ngoüi?

⁶ Hünzome akhong, ‘Jowanpa changlo! Nange chemtukux hanle paoüi? Nang changkhep mongto chatlax, ilaxle ikhama nazak laxle ngolax!’

⁷ Ikoxle ijae nazak chemle laxthoüi, kue chix ang mwot koxle thom füima a? Kue ija ang Ashkelon to ilaxle tinu kax ma ngokyabu to sing angkya kaxtom koxdaoa.”