JEREMIA 45 - OTSAO BAIBEL (BSI)

Baruk Füikya Zang Kaxtsao

¹ Josiah sasün Jehoiakim Judah nok ma wanghom ang achangkya zanglao ali lükya to, kue chix hama akaxle koxkya Baruk-e zale kop. Ifüima kue

² Jowanpa, Israel nok Zang-e akaxkya kax chix hama akax: “Baruk,

³ nange akax ngole, ‘Kue dantoxüi changa! Jowanpae ku sikngün to mongthang füi janbo langle. Awaokyakyae ku sumle paoüna, ilaxle kue nazak chemchu münatak angkya changle!’

⁴ “Ikoxle, Jowanpa, kue zingdaokyabu pangwüi pünle ama ngopu ilaxle kue küidaokyabu fuakle awüt ngopu. Ija kue zangfang pangnu to mok angkya changle.

⁵ Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”