Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

ISAIA 48 - OTSAO BAIBEL (BSI)


Zang a Füichi hanpak Jowanpa

1 Ija to apalax, Israel khünaknu, hünzom Judah su-sa hwom: Hünzome Jowanpa mün ma tsaosax ilaxle Israel nok Zang to shwompule akax — ikoxle hünzome akaxkya kax hünzom ojao chimok.

2 Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.

3 Jowanpae Israel nok ang thüi: “Chemle chang angkya hex ija kue kai wüi aje thomdaoa; ilaxle ija kue allele chang ang tom.

4 Kue awan ngopu hünzome a kheba chithüikya khünakbu changpule ahoüi, jan lailaile tsak-khokle tamchu khop lailaile bikbexle.

5 Ikhoma kue hünzom füichi hanpak kaitanto wüi ajele thomdaoa, tütali machangba wüi ile changüihex-ole ngaile, hünzome ibu hünzom chapabu hia muabu mwot changpule chithüt angkya hanpakma abaxtsuak daopu.

6 “Kue chempang akax daopuix ibu athax changle hüile; hünzomechu ku kax otsing tomtata wüile lax angkya hato hüipu. Athax kue hünzom hama jali hozün changle hüi angkyabu akaxfang, kue hünzom hato ngaile ma ahokya jalibu a.

7 Athax tix kue ibu ile chang ang tompu; iningle ami thochi machu machangtox. Ija changdao koxba, hünzome ibu pangwüi bama awanle ngopule thüitsuakse.

8 Kue awan ngopu hünzom to mongong angkya jao müntüi, hünzom a apüipüile tüikyabu le awan ngopu. Ikhoma hünzome ija chemtuechu atat ang chikoppu, chemthüikoxle hünzom na ma ija kax tuita chu chiwang.

9 “Khünaknue ku mün achuakle chang angkya hanpakma, kue ku mongtsik adule tanpu; kue ija abax thompu ilaxle hünzom ama ang müntom.

10 Wünchua sikngün ma kue hünzom to thwontsingle anodaoa, wünkha to zokle khop to wanle anokya ningle. Ikoxle kue hünzom a laxli chemchu müntüile atakle.

11 Kue chem mokpuix ija a ku hanpakma mokpu — kue ku mün ahaile chang ang müntom chichangba owawa füi ku fuazang ahanle lax ang müntom ija a ku tata kux changüi.”


Sairas, Jowanpa e Zünle Kopkya Lompa

12 Jowanpae thüi: “Ku kax to apalax, Israel, kue nyakle kopkya khünakbu! Ku a Zang changle, owang, oshuk, tuita wüi tüikya Zang!

13 Chaxwannu chifün a ku chak makhange zingpu ilaxle zangding shale danpu. Chemtue kue ding hia nyaküihex, hwom ku hato akhangle hüile.

14 “Asoxle ilaxle apalax, hünzom pange wüi! Baozang owaechu füichi hanpak wün ang müntho kue zünle kopkya khünakbue Babilon nok to sing ang thoüile a; chixe kue chem texpuix ija moküi.

15 Chix füi zangwünkya tamchu chix nyakkya a ku changpu; chix lom kue azuipu ilaxle tho-lünle chang ang tompu.

16 “Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)


Jowanpa e Chix khünaknu hanpakma Mwottho Zingle

17 Israel nok otsao Zang, Jowanpa owae nang khosünle koppuix, chixe thüile: “Ku a Jowanpa hünzom Zang, hünzom füi amüi angkya hanpakma anwot-ano sele tsukya mix ilaxle hünzom lese lom male ang lom apuale fakya mix.

18 “Hünzome ku kaxtombu kax ma laxle jangchang! Hünzom hanpakma mohiman a thokle-thokle jense chemtuechu chizopkya shuasa jajen ningle a! Hünzome zan to lütkya tüise tinu kax to tichap hüikya ningle a.

19 Hünzom su-sa hwom a sak-tsang bütale tüiüi, ilaxle kue ibu otuechu chiama angkya zingle tsuakse.”

20 Babilon angkya paolax, mongtex ma paolax! Kaxho müikya mongmüile apukkox, “Jowanpae chix da Israel sündaoa!”, le pangnue tsingang laxkox.

21 Chemtue Jowanpae chix khünaknu khamkya hia zuazoxkya sak-hax akaile lepongma, hwom tilan maxle sikngünkya chitüi. Hwom hanpakma chixe ti long tuita angkya fuakle lai ang tom; chixe longnu afi, ilaxle ikha angkya ti fuakle lai.

22 “Ochax khünakbu hanpakma azang angkya olom müntüi”, le Jowanpae thüile.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ