ISAIA 4 - OTSAO BAIBEL (BSI)

¹ Chemtue ija hanpak nguile hüipuix, mixcha anüte mixsün tuita to künle kopüi ilaxle: “kwom a kwom lualua to saxlaxle ngoüihex, ikoxle chingchalaxle kwom a nang kako changpule akax ang tomhüi, ile changkox tix kwom a tui to ju ang chikople zakyabu changpule chanyi-wanjai angkya zakkop tokya kwom azang ang thoüile thüi.”

Jerusalem Tamchatle Zingle Achatüi

² Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

³ Jerusalem ma danle toxkya pangwüi, opang Zang-e ozün ma ngo ang kamle koppuix, ibu a otsaole nyaküi.

⁴ Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

⁵ Ifüima Zaion Haxnu ding ma tamchu ikhama afoxle tüikya khünak pangnu thakma, Jowanpae anyixning ma zangfwom hia wünkhut ilaxle awünning ma chuale ngokya wünle, le ajoüi. Tingnu to Zang fuazangkyae awangüi ilaxle chixe ija kho-awaüi.

⁶ Chix fuazange anyixningkya zangkham pongma tingnu to oüi ilaxle zangchei hia zangwat pangnu chak tokya azangle ngo angkya onui müikya kha ang achangüi.