HUAKE LAIPEX 30 - OTSAO BAIBEL (BSI)

Tsaotsüt Ba angkya Wanlombu

¹ Mosa-e Israel nok lompabu ang ibibi mwottho adangle fa:

² Chemtue khünak tuitae Jowanpa ang tütali kox angkya tsaosaxle changpuix, chixe ija ale angkya oli münchang, ikoxle chixe moküihex-ole athüithüi mokle alyet angkya changpu.

³ Chemtue tüi hom to mapaokya naocha tuitae ma hopa hom ma tüitanto Jowanpa ang tütali kox angkya hia tütali füi atsaile chang angkya tsaosaxle jangchangba,

⁴ she-e moküile tsaosaxkya bama hopae atatlaxle abaxle lüwüi chichang, she-e ibu bakle mok angkya wüi changpu.

⁵ Ikoxlechu ibu bama atatlaxle hopae abaxle jangchang, she-e ibu chimok homtoxle tsaotsüt thom angkya oli le münchang. Hopae abaxkya khoma chimokkya bama Jowanpae chitokhange she ang thailak tüiüi.

⁶ Tuiju-nasomle chichangkya mixcha tuitae tsaosaxle jangchang, chaktung ma wüi changlax chichangba chitex lüwüi changlax, chichangba tütali füi atsaile ngo angkya tsaotsütle thomlaxle tuiju-nasomle chang;

⁷ she kakopae atatlaxle ibu to abaxle lüwüi chichang, she-e tsaodaokya pangwüi mokle alyet angkya oli changpu.

⁸ Ikoxlechu ibu atatkya zuma she kakopae abaxle jangchang, she-e ibu chimokmokba le atsang angkya müntüi. Jowanpa chitokhange she ang thailak tüiüi.

⁹ Zomnu tuita chichangba kako füi fanle ngokya mixcha tuitae tütali tsaotsütkya hia tütali füi atsaile ngo angkya tsaosüt jangtüi, chemle tsaopuix iningle she-e ija thom angkya wüi changpu.

¹⁰ Kako tanlaxle ngokya mixcha tuitae tsaotsüt tamchu tütali füi atsaile ngo angkya tsaosaxle changkya

¹¹ ija atatlaxle hokakopae abaxle lüwüi chichang, she tsaotsüt daokya pangwüi otya ma thom angkya oli.

¹² Chixe atatkya zuma hokakopae ibu ile chichang angkya abaxkya jangtüi, she-e ibu chimokmokba le münchang, Jowanpa chitokhange she ang thailak tüiüi chemthüikoxle she-e ma tsaotsüt chithom angkya a hokakopae abaxpu.

¹³ She-e tsaotsütle changdaobachu, moklax chichangba taxmok le thüi angkya a hokakopa füifüi.

¹⁴ Ikoxlechu ija tsaotsüt bama atatkya füima chixe abaxkya chemchu chitüi thüiningle, she-e chempangsa bama tsaotsütle changdaopuix, ibu pangwüi mok angkya oli, chixe atatkya nyixnyix wüi abaxkya kax chitüikya a naxmok ang dankya kax changle.

¹⁵ Ikoxlechu ofüima ajao-ada laxle otanto abaxle jangchang, ija tsaotsüt chithom tsuakkya bama shekonue apongse sikngün lükapae apong angkya changle.

¹⁶ Ibibi a tuiju-nasomle machangkya naocha, tuita hopa hom ma tüitanto tsaotsütle changkya hia tuiju-nasomle chichangkya mixcha tuita tsaotsüt laxkya bama Mosa makhange Jowanpae fakya wanlom a ibu changle.