HUAKE LAIPEX 26 - OTSAO BAIBEL (BSI)

Khünak Huak Akiakya Anyi-lükya

¹ Kaknu lekya ashuk füima Jowanpae Mosa hia Arun sasün Eliazar nyi ang thüi:

² “Israel jat-li pangwüi kako-kako ma süile khünak huak akiaklax. Zangtsa makhange thakchichi süpahi ang laxtang nguidaokya lüka sühuak pangwüi akiakkox.”

^3-4 Mosa hia Eliazar nyie ija kax ma lax, ilaxle zangtsa makhange thakchichi lükaka pangwüi sele asox. Jeriko makhange Jordan shuanu talaxle tüikya Moab nok haxsha ma hwom asox. Israel nok ibu a Ijip nok tokya laile hüikyabu changkya.

⁵ Reuben homjen (Reuben a Jakop sasün tüichongpa changkya): Hanok, Pallu,

⁶ Hezron, hia Karmi, saxthom ibibi.

⁷ Ibu saxthom ma khünak huak 43,730 tüikya.

⁸ Pallu sixli hwom a Eliab

⁹ ilaxle chix sasün Nemuel, Dathan, hia Abiram hwom bibi. (Ibu a khünaknue zünle kopkya Dathan hia Abiram hwom changle. Ibue Mosa hia Arun nyi füi zong-apan ilaxle hwome Jowanpa füi alünle ajong pongma, hwom a Korah füito azuikyabu othom khama wom.

¹⁰ Haxwan kangle hüi ilaxle ibu jok, ilaxle wün füi 250 khünak mik max ang tompongma hwom a Korah tamchu chix füito azuikyabu maxkya füi tomle max; hwom a khünaknu hanpak ang tsaikhax-kaxkhün ang bang.

¹¹ Ikoxlechu Korah sasün hwom a mik max ang chitom.)

¹² Simeon homjen a: Nemuel, Jamin, Jakin,

¹³ Zerah, ilaxle Shaul, ibibi saxthom.

¹⁴ Ibu saxthom ma khünak huak 22,200 tüikya.

¹⁵ Gad homjen: Zefon, Haggi, Shuni,

¹⁶ Ozni, Eri,

¹⁷ Arod, ilaxle Areli saxthom, ibibi.

¹⁸ Ibu saxthom ma khünak huak 40,500 tüikya.

^19-21 Judah homjen: Shelah, Perez, Zerah, Hezron, ilaxle Hamul saxthom, ibibi. (Judah sasün anyi, Er hia Onan nyi, Kanan haxtok towüi zi.)

²² Ibu saxthom ma khünak huak 76,500 tüikya.

²³ Isakar homjen: Tola, Puah,

²⁴ Jashub, ilaxle Shimron saxthom, hwom bibi.

²⁵ Ibu saxthom ma khünak huak 64,300 tüikya.

²⁶ Zebulun homjen: Sered, Elon, hia Jahlil saxthom, hwom bibi.

²⁷ Ibu saxthom ma khünak huak 60,500 tüikya.

²⁸ Jusep homjen a, chix sasün anyi, Manasseh hia Efraim nyi saxthom changkya.

²⁹ Manasseh homjen. Makir owa Manasseh sasün a Gilid hopa changkya, ilaxle Gilid makhange tsale hüikya saxthom a ibibi:

³⁰ Lezar, Helek,

³¹ Asriel, Shekem,

³² Shemida, hia Hefar, ibibi saxthom.

³³ Zelofehad owa Hefar sasün changkya hex, chix ang sasün hwom chitüi, ikoxle sacha hwom tata wüi tüi; ibu mün a Mahlah, Noa, Hoglah, Milkah, üntoxle Tirzah.

³⁴ Ibu saxthom ma khünak huak 52,700 tüikya.

³⁵ Efraim homjen: Shuthelah, Bekar, üntoxle Tahan, ibibi saxthom.

³⁶ Eran saxthom zutong a hopu Shuthelah ha alople tole chatle.

³⁷ Ibu saxthom ma khünak huak 32,500 tüikya. Ibu a Jusep makhange tsale hüikya saxthombu changle.

³⁸ Benjamin homjen: Bela, Ashbel, Ahiram,

³⁹ Shefufam, üntoxle Hufam saxthom hwom bibi.

⁴⁰ Ard hia Naman saxthom a hwom putong Bela makhange tsale hüikyabu changle.

⁴¹ Ibu saxthom ma khünak huak 45,600 tüikya.

⁴² Dan homjen: Shuham saxthom.

⁴³ Ija saxthom ma khünak huak 64,400 tüikya.

⁴⁴ Ashar homjen: Imnah, Ishwi, hia Beriah saxthom hwom bibi.

⁴⁵ Hebar hia Malkiel saxthom a hwom putong Beriah makhange pu-tsale hüikya changle.

⁴⁶ Ashar ang Serah le amünle sacha tuita tüikya.

⁴⁷ Ibu saxthom ma khünak huak 53,400 tüikya.

⁴⁸ Neptali homjen: Jahzil, Guni,

⁴⁹ Jezar, hia Shillem saxthom hwom bibi.

⁵⁰ Ibu saxthom ma khünak huak 45,400 tüikya.

⁵¹ Israel nok pangnu athüt koxle khünak huak 601,730 tüikya.

⁵² Jowanpae Mosa ang thüi:

⁵³ “Haxtok a chizing tswonle ahanlax, ilaxle haxtok süluikya kha süchongkya homjen ang ilaxle sühixkya haxtok a sühixkya homjen angle laxkox.

^54-56 Haxtok a chizing tswonle nantak laxle ahanlax, ilaxle süchongkya kha a süluikya homjen ang ilaxle sühixkya kha a sühixkya homjen angle laxkox.”

⁵⁷ Liwi homjen a ibibi saxthom füi zingle: Gershon, Kohath, üntoxle Merari.

⁵⁸ Hwom sixlibu khama ibibi zomzubu tüile: Libni, Hebron, Mahli, Mushi, üntoxle Korah. Kohath a Amram hopa changkya.

⁵⁹ Kohath-e Liwi sacha Jokebed le amünkya mixcha lax. She a Ijip nok to puxkya changkya. She-e Amram ang sasün anyi, Arun hia Mosa nyi üntoxle sacha tuita Miriam puxle kox.

⁶⁰ Arun ang sasün hwom ali tüikya, Nadap, Abihu, Eliazar, üntoxle Ithamar.

⁶¹ Nadap hia Abihu nyi a hwome Jowanpa ang otsao wün tö koxpongma zile pao.

⁶² Liwi hwom khama lyetjang tuita füi tüichong lüka sühuak mixhuak 23, 000 tüikya. Hwom mün a mama Israel nok füi süile zale kop, chemthüikoxle ibu ang Israel haxtok ma hwome süntswon angkya tuina chemchu chifa.

⁶³ Jeriko angkya Jordan shuanu talaxle Moab haxsha ma Israel nok khünak huak akiakle changpongma, ibu saxthombu mün a Mosa hia Eliazar nyie zale kop.

⁶⁴ Sinai Sak-hax to tüipongma Mosa hia Arun nyie pongwang lükya khünak huak akiak pongma womle tüikya khünak owachu alakle chitox.

⁶⁵ Jowanpae, hwom pangwüi faokha to zile pao angkya akax, ilaxle ilailaile Jefuneh sasün Jihusua hia Nun sasün Kaleb hokhi boma owachu chitoxle komkaile zi.