Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

HAGAI 1 - OTSAO BAIBEL (BSI)


Jowanpa e Zangshwom-Hom Azünle Zai angkya Kaxtom Koxkya

1 Parsia nok ma wanghompa ang Dairas ngokya tukma, lyetnukua azoklükya pongwang nyixkha, Jowanpa-e ajepa Hagai makhange zangwün. Kaxho a Judah angkya gowarnor, Shealtiel sasün Zerubbabel hia Jeozadak sasün Nguakho Jihusua hwom hanpakma changkya.

2 Jowanpa Khüthak Zang-e Hagai ang thüi: “Ibu khünakbue athax a Zangshwom-Hom zai angkya tunu münchangle thüitüia.”

3 Ifüima Jowanpa ija kaxho ajepa Hagai makhange khünaknu ang kox:

4 “Ku khünaknu, ku zangshwom Hom a pünle awüt laxle otam tata ngotüi, jangchangthüiba hünzome a büthüikoxle haxtak-zangmongle zaikya hombu ma ngo angkya?

5 Hünzom to chemle changle ngopuix ija hünzome mün-ngün hexnyi?

6 Hünzome sax müimamale shitdaoa, ikoxlechu hidaole wüi züt ang koppu. Hünzom ang sax angkya süt tüile, ikoxlechu hünzom hanpakma wokfwot müitang okhonguile chichang. Hünzom ang ling angkya grepti-ju tüipu, ikoxlechu hünzom to tokle lingtang chitüipu! zom ang nyi-za tüile, ikoxlechu hünzom tsangtsa alomle thomtang chichang. Üntoxle hingchak achakkyabue ifüi okhonguile ngotang achak ang chitho.

7 Ija ile chemthüikoxle changpuix, hünzome ngün ang tocha?

8 Athax haxnukho to donglax, pündak mix koplax, ilaxle Zangshwom-Hom azünle zailax; ifüima ku ang mongmüiüi üntoxle ku to chemle shwomse hex ile shwomüi.

9 “Hünzome sax huanuma züt ang kopüile ongle ngokya, ikoxle hidaole wüi ang achang. Üntoxle chemtue saxziak hünzome hom to wünpuix, kue ibu zangwin to pile pao ang tom. Kue ija ile büthüikoxle mok? Ku Zangshwom-Hom a pünle ama thomlaxle hünzom a mahax mahom-hom zai ang chakjao chingaile azong ngokya khoma kue ile mokpu.

10 Ikhoma zangwat chemchu chitüi ilaxle chemchu nyem ang chitho.

11 Kue haxtok hato otui-onuak apüipu--ija haxhuabu hato, saxziak zimfa ma, grep haxtok ma, ilaxlechu olip haxtok--haxtok ma alailai saxziak pangwüi hato, khünaknu hia müi-nyax pangwüi hato, hünzome küi-thwomle alai ang azongkya pangnuli hato zanle zi angkya apüipu.”


Khünaknue Jowanpa Kaxtom Kax ma Lax

12 Ifüima Zerubbabel hia Jihusua üntoxle Babilon nok to zanda ang ngokya chatkya khünakbu pangwüie Jowanpa hwom ang chemle akaxpuix ile mok. Hwom za ilaxle Jowanpa kaxhomix Hagai kax ma lax.

13 Ifüima Hagai-e khünaknu ang Jowanpa kaxho kox: “Ku a hünzom füi ngoüi--ija aku kaxtsao changle.”

14 Zangshwom-Hom ma mwot mok angkya hanpakma Jowanpa pangnusa füi chasa makhange zangwün: Judah haxtok angkya gowarnor Zerubbabel; Nguakho Jihusua, ilaxle zanda ang ngokya chatkya khünaknu pangnu. Hwome, hwom Khüthak Zang Jowanpa Zangshwom-Hom ma mwot mok ang süt,

15 lyetnukua azok ma nyixtsa-ali nyixkha mwot owang wangle chang. Ija a Dairas wanghom ang ngokya zanglao anyi lükya to changkya.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ