FILIPI 3 - OTSAO BAIBEL (BSI)

Otsingtsingma Chasa ma Tsaokya

¹ Oshukma ku tüinaohom, Jowanpa füi notomkya ma mongmüi pwonla lax. Thoto zadaokoxlechu ija kax kue chatchatnaole akaxpu üntoxle hünzom zongma ija omüimüi wüi.

² Ibu hi opange khwonzüt zom to angkya hanpakma hünzom atsangle ngolaxpuix, ibu ochax mwot mokle ngokyabu bama khünzai lax.

³ Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

⁴ Changle, kue ibu mwot tochu mongongkya tüi ang tsuakse. Owawae otok zom to mongong tüi angkya wüi changpu le thütkya mix jangtüi thüiba, ile thüt angkya olom kusisi ma tüipu.

⁵ Ku pux füima hatdang süt tanto wüi kue khwonzüt zom kaipu. Ku a nuput ma wüi Israel khünak, Benjamin saxthom angkya, otsingtsing Ibri aji tsaotsao changle. Jehudi nok wanlom tokya olom tokhange hukoxlechu, ku a tuita farisi changle,

⁶ üntoxle kue zongbak jaojaole müimüithom zothup. Wanlom tokya tokhange khünak otsao ang achang angkya le jangchang thüikoxlechu, ku thaikya ojao chitüikya mix changle.

⁷ Ikoxle kue akhokya lap ang ele tüikya ibu pangnu kue Khrista hanpakma omüt ang laxpu.

⁸ Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

⁹ Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

¹⁰ Ku mongtsukya abakle a Khrista tsingse ilaxle chix chatle azangle zokya thwon lopse le tsukya ibibi changle, ija a chix sikngün tom-han angkya hia chix zik ma chix ningle achang angkya hanpakma,

¹¹ Ija a tamchu ku jao-jao chatle ozün hato chatle azangle zoüi lükya monghom ma.

Longzi ha Alop ang Zikle Ngokya

¹² Kue tholün daoa chichangba okhonguikya mix ang achangdaoale otuechu münala. Ikoxle Khrista-e oja ku chix hato kople tsuakdao laxpuix, ija hingho ataktsuak angkya hanpakma ku azongle wüi ngopu.

¹³ Changle, kutüi-kunaohom, kue ija koptsuak daoa le ojao münthüt; ikoxle kue mokkya mwotli tuita a: füichichi alak ilaxle thochima tüikya ha alop ang otsuaktsuak ma azong angkya changle.

¹⁴ Idaile thakchi to ngo ang Khrista makhange Zange nyakkya hingho kop angkya hanpakma ku tangthole longzi hato zikpu.

¹⁵ Chasa ma tsongdaokya kem pangnu ma wüi ija tutex tüi angkya changle. Ikoxlechu hünzom züizüi ma tutex mama lom to jangtüi thüiba, Zange ija hünzom ang tsaotha le awan ang tomüi.

¹⁶ Ija atix tütale wüi changlax, anyix kople keme tole hüikya taningkya wanlombu ningle kem thochi to lehax.

¹⁷ Kutüi kunaohom, hünzom pangnusae wüi ku thüi anokya taxdan. Kwome hünzom hato ahokya lailaile changkya sütlom mwotlom ahokyabu to khile huhüi.

¹⁸ Ija bama kue thotochu hünzom hama obithomthom ma hexle wünle hüipu; ija kax athax kue mikfi füi anaole wünpu: Pünsak ma zikya Khrista füi zan ang achangkyabu hwom tüihule.

¹⁹ Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

²⁰ Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

²¹ Jali pangnu chix wanlom fangma apüi ang thokya zong twonlaxle ziün angkya ija muakya kem tsangtsa tsün lüi üntoxle ibu fuazangkya chix tsangtsa ningle zi