Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

EZEKEL 1 - OTSAO BAIBEL (BSI)


Ezekel-e Pongwang lükya Zang Mikngün-ohün Ngünkya (1.1—7.27) Zang Tüntong

1 Zanglao tsübün achyet angkya lyetjang ali to nyix aga lükya ma, Buzi sasün, nguapa Ezekel, ku a Judah nok zanda ang kople paokyabu füi tomle Babilon angkya Kebar Shuanu zui ma ngole tüikya. Zangdingkho kadap, ilaxle kue Zang mikngün-ohün tuita ngün. (

2 Wanghompa Jehoiakin zanda ang kople paokya füima ija a aga lükya zanglao changkya.)

3 Babilon nok to Kebar Shuanu zui ma, Jowanpae ku füi zangwünkya kue atat, ilaxle ku ma chix tsak-zong nguikya kue awan.

4 Kue angakle hu ikoxle shuakux chitokhange zangchei-cheinu tuita hüile ngokya ngünle lax. Chongkya zangfwom tokhange zangchang ajeple nyan, ilaxle ija akhople zangdingkho jik-jeple tüikya. Ija zangchang ajeple tüikya khama, khop-jan ningkya tütalie nyan.

5 Inu zangtsak-zangdung osungkha ma khünak alele le ozün zünmokbu kue ngün,

6 ikoxle hwom pangwüi ma okhang ali pong ilaxle ozang ali pongle tüikya.

7 Hwom baozangbu a tangthole tüikya, ilaxle maihupong tuita ma tüikya lailaile hwom ma chisokbu tüikya. Ibu a khop-jan fwotle atsyenkya ningle nyan.

8 Ibu hwom okhang ali hia ozang ali to obo ang, hwom pangwüi ma khünak chak ali, ozang tuita fang ma chak tuipongle zaile tüikya.

9 Zünmok tuipong to ozang anyi pong pünle, tata füi zangza apongle tüikya, ijae hwom zongzongzüile tüikya. Chemtue hwom amokpuix, hwom othom ma tata tsangtsa to chipole tomwüi amok.

10 Ibu zünmok ma mali-mali okhang ali pong tüikya: thüntho ma tuita khünak thünza ningle tuita, tsaxchi ma mailang thün lailaile tuita, maihupong thün lailaile nongchi ma tuita, ilaxle tokfüichi ma ola thün lailaile tuita.

11 Zünmok pangwüie ozang anyi pong a hozui ma tüikya mama zünmok zangza füi apongle nwonle tüikya, ilaxle mama ozang anyi pong a ma tsangtsa füi fole shople thom.

12 Ibu zünmok pangwüi toktok apongle machi chito thün ahole tüikya, ikhoma hwom pangwüi alik-alople chichang homtoxle othom ma aham ang tsuak.

13 Ibu zünmok khama wünnyan lailaikya tuita tüikya, ija a chizakle amok ngo. Wün khisumle lai ilaxle imakhange zangchangjep haple apao.

14 Zünmok ibu a zangchangjep lailaile momle paotox chattoxle aham.

15 Kue ibu zünmok ali to hule ngopongma, hwom pangwüi tang ma ocha tuipong-tuipong füikya chakan kue hax to thaikya ngün.

16 Ocha ibu pangwüi talailaile tüikya; pangwüi mik-hu ma thalix long lailaile nyan, ilaxle ocha pangwüi ma tsaxchi zong füi asople mama ochabu tüikya.

17 Ile changkox tix wüi ocha ibu a pangnu chito aham ang tsuak.

18 Ocha angkya okanbu a mike awangle tüikya.

19 Chemtue ija zünmok ahamle changpuix, ochabu chuwüi hwom füi tomle aham, ilaxle ibu zünmok haxkha tokya ding to dongle changpongma chuwüi ochabu azuile dong.

20 Zünmok ibu hwom paose atsutsu khato pao, ilaxle ochabu chuwüi zünmokbu füifüile azüi, chemthüikoxle ocha ibu a zünmok ibue akumathumle chang koxle.

21 Ikhoma chemtue zünmok ibu ahampuix chichangba atongpuix chichangba zangwin to pile changpuix, ocha ibuechu ilailaile mok.

22 Ibu zünmok okhangbu khangkho ma fixfaxkya long makhange zingkya NOMLONGKANTUM lailaikya tuita tüikya.

23 Ija NOMLONGKANTUM fang ma ibu zünmokbu ajongle tüikya. Zünmok ibue ozang anyi pong a hozui ma tüikya mama zünmokbu füi zangza apongle pünle mathünthün to khung ilaxle mama ozang anyi füi a tsangtsa fole shople tompo to thom.

24 Ibu pikya zangzing kue atat; ibue pi pongma tinu-tichap ningle ozing alai, süpahibu othom mwopkya ningle azing, Khüthak Zang zangwün zingma azing. Pikya zakkya zuma hwome baozangbu shwom,

25 ikoxle hwom khangkho angkya NOMLONGKANTUM makhange chizakle ozing laile ngo.

26 Ija NOMLONGKANTUM dingma safir makhange zingkya lailaile chongwang tüntong tuita tüikya, ilaxle ija tüntong kho ma khünak lailaikya tuita thungle tüia.

27 Ngünkya zongma ija a wünsung khato khopjane nyankya lailaile tüikya. Ija pangnu khato wünzung füi nyanle zang angai,

28 ija zangngai ma nomlong ma tüikya zongbu pangwüi tüikya. Ija a Jowanpa womle tüikya zangzung changkya. Chemtue kue ija ngünle laxpuix, kue haxchi to thün ahole akhux. Ipongma kue kaxzing tuita atat,

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ