2 PUKAX-PANGAO 27 - OTSAO BAIBEL (BSI)

Judah Nok Wanghompa Jotham

¹ Jotham a zanglao 28 ma wanghom ang achang, ilaxle chixe Jerusalem ma zanglao 16 apün. Chix honu a, Zadok sacha Jerushah changkya.

² Chixe chuwüi hopa lailaile Jowanpa zongto chem müipuix ijaja mok, ikoxlechu hopa lailaile chixe Zangshwom-Hom ma ongan müikya so zokle ochax chilyen. Ikoxlechu khünaknu a chizakle ochax lyenle ngo.

³ Zangshwom-Hom Shuakuxchi Pan zaikya ilaxle Jerusalem ma Ofel le nyakkya nui ma tingnu pan achenle zingle paokya a Jotham changkya

⁴ Judah nok haxhuabu to chixe tingnubu zaile alai, ilaxle faokha to süpahibu ngwotnui hia zanhunuibu zaile alai.

⁵ Chix zanpa Amon nok wanghompa hia chix süpahibu füi chix azan ilaxle chixe hwom to lüt. Ifüima chixe Amon nok ang, zangfokya to, zanglao azom mong ma, ibibi tuina füi chix ang süithale chang ang tom: khop ton 4, wonglai tsax nua 4000, ilaxle tsaxsa tula nua 50, 000.

⁶ Jowanpa, chix Zang to mongong tüikya füi kax ma laxle tüikya khoma Jotham a huanuma tsak-zongle hüi.

⁷ Jotham-e mwot mamabu, chix zanbu füi azankya, chixe tingpün-nokwangle changkya olom, ibu pangwüi Judah hia Israel Nok Wanghombu Pukax Laipex ma zale tüile.

⁸ Chix wanghom ang achang pongma Jotham a zanglao 25 changkya, ilaxle chixe Jerusalem ma zanglao 16 apün.

⁹ Chix zile pao ilaxle Dawid Tingnu ma akhün ilaxle chix sasün Ahaz a chix man ma wanghom ang achang.