Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 PUKAX-PANGAO 13 - OTSAO BAIBEL (BSI)


Abijah-e Jeroboam füi Azankya
( 1 Wa 15.1-8 )

1 Israel nok wanghompa Jeroboam-e apünkya zanglao 18 lükya to, Judah ma Abijah a wanghom ang achang.

2 Chixe Jerusalem makhange zanglao azom apün. Chix honu a Uriel sacha Mikaiah changkya. She a Gibeah tingnu angkya changkya. Abijah hia Jeroboam nyi bama zan lai.

3 Abijah-e süpahi 400, 000 jao nguile alai, ilaxle chix fün alün ang Jeroboam-e 800, 000 süpahi alai.

4 Süpahi ibu haxhua nok Efraim ma apong. Wanghompa Abijah a Zemaraim Haxnukho to donglaxle Jeroboam hia Israel nok tsiakle akhong. Chixe thüi:

5 “Jowanpa, Israel nok Zang-e wanghompa Dawid füi, jento chixsu chixsa hwome Israel nok haxtok apünle ngo angkya changpule otuechu chiapaktsuak angkya kaxfün laxle changdaokya hünzome müntsing hexnyi?

6 Nabat sasün Jeroboam a Solomon, chix wanghompa füi zan ang achangle paopu.

7 Ofüima chixe laxli chitüikya khünakbu asüi ilaxle ibue hwome thütkya mokle tsuak angkya, Solomon sasün Rehoboam atsangpu. Ipongma Rehoboam a naosa ma chem lüichu matsingle changkya khoma hwome atsangkya mwot chimokle aba ang chitho.

8 Athax hünzom a, Jowanpa Dawid sixli hwom ang koxle thomdaokya wanghom hwom füi azan angkya kat-azuapu. Changle hünzom füi süpahibu huanuma tüile tamchu Jeroboam-e hünzom baozangbu ang zingkya maihu chapachu hünzom füi tüile.

9 Jowan dapa Arun sixli nguapabu hia Liwi hwom hünzome jwonle apaopu. Hwom man ma hünzome mixnokbu lailaile zompu-zangpabu kamle danpu. Owawae maihupong hia chun anüt koplaxle nguile jangchang, chix a hünzome baozangle nyakle ngokyabu zompu-zangpa ang achang tsuakpu.

10 “Ikoxle kwome Jowanpa kwom Zang thotha lüwüi ngoüi, kwome chix ma-awüt. Arun makhange hüikya nguapabue hwom mwot otua ma athuile mokle ngopu, ilaxle Liwi hwome ibu to fongle ngopu.

11 Ongan müikya so zokkya hia otom ma lanle töbu koxle changkya füi ja-nop to hwome chix shwomle ngopu. Zom mwot hanpak ang atsaole thomkya tsap ma hwome an tö koxpu, ilaxle jafole hwome lotsapbu angkya wüntik atsople changpu. Kwome Jowanpa kaxtom mwot mokle ngopu, ikoxle hünzome chix hato tok ahopu.

12 Kwom lompa ang Zang chixjao changpu ilaxle nguapabu a ikhama thuaput-waxmaibu füi tüile. Hwom a ibu angaole hünzom füi azan angkya zan-khong apuk ang achwonle ngole. Israel khünaknu, hünzom pupa hwom Zang, Jowanpa füi azanle taxchang ünlax! Hünzome münlütpu!”

13 Mamabu pangwüi thüntho chito hüile ngopongma, lomnong tokhange Judah nok süpahibu tan angkya hanpakma Jeroboam-e süpahibu züizüi akatle thom.

14 Judah khünakbue hukoxle hwom a akhople kopdao le bang. Hwom pangwüi Jowanpa nyakle hwom to asun angkya hanpakma akhong ilaxle nguapabue nyazongbu müt.

15 Judah khünakbu akhongle, Abijah-e thothut laxle ahok ang süt; ilaxle Jeroboam hia Israel nok süpahibu to Jowanpae anao.

16 Judah nok thoto Israel nokbu fütle pao, ilaxle Zang-e ibu to Judah nokbu ang lüt ang tom.

17 Abijah hia chix süpahibue Israel nok to zutle akhixle jao lüt: million süifi Israel nok naomüibu ima mik max angkya atak.

18 Ile Judah khünaknue Israel nok to lüt, chemthüikoxle hwome, hwom pupa hwom Zang, Jowanpa to mongong thom.

19 Abijah-e Jeroboam süpahibu achuale zik ilaxle ibibi tingnubu kop: Bethel, Jeshanah, ilaxle Efron, ilaxle tingnu ibu ozuima tüikya tingkhuabu kop.

20 Abijah-e apünle ngokya kople Jeroboam-e otuechu chix tsak-zongle tüi ang chitho. Oshukshukma Zang-e chix to chakmokle shu ilaxle chix a zi.

21 Ikoxlechu Abijah a sisile zaxzangle chang. Chix ang kakonu hwom 14 tüikya ilaxle sasün hwom 22 ilaxle sacha hwom 16 le tüikya.

22 Abijah pukax pangwüi, chixe wünkya zangwün hia chix mwot, ajepa Iddo Pukax ma zale tüile.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ