1 PUKAX-PANGAO 7 - OTSAO BAIBEL (BSI)

Isakar Sixli Hwom

¹ Isakar ang sasün ali: Tola, Puah, Jashub, hia Shimron hwom bibi tüikya.

² Tola ang sasün azok: Uzzi, Refaiah, Jeriel, Jahmai, Ibsam, hia Shemuel hwom bibi tüikya. Ibu a Tola saxthom ma homkha lompabu tamchu zangle wünkya süpahibu changkya. Wanghompa Dawid tsün ma hwom sixli khünak hua 22,600 tüikya.

³ Uzzi ang sasün tuita, Izraiah tüikya. Izraiah hia chix sasün hwom ali, Mikail, Obadiah, Joel, hia Isshiah, hwom pangwüi hwom züjen hwom lompabu changkya.

⁴ Hwom ang kakonubu hia susa hwom huanuma tüikya ikhoma hwome süpahi mwot mok angkya hwom susa hwom khünak 36, 000 anguile koxtsuak.

⁵ Nguakax-wangkhobu laiza thomkya ma Isakar homjen angkya züjen pangnue, süpahi ang mok tsuaktangkya khünak mixhuak 87, 000 to nguile koxtsuak.

Benjamin hia Dan Sixli Hwom

⁶ Benjamin ang sasün hwom ali tüikya: Bela, Bekar, hia Jediael.

⁷ Bela ang sasün aga: Ezbon, Uzzi, Uzziel, Jerimoth, hia Iri hwom tüikya. Ibu pangwüi hwom saxthom angkya homkha pangwüi thakma lompabu tamchu zangle wünkya süpahibu changkya. Hwom susa hwom khama süpahi ang laxtsuakkya khünak 22, 034 to nguile tüikya.

⁸ Bekar ang sasün aku: Zemirah, Joash, Eliezar, Elioenai, Omri, Jeremoth, Abijah, Anathoth, hia Alemeth hwom bibi tüikya.

⁹ Nguakax wangkho hwom laiza thomkya ma, hwom sixli hwom kako-kako akiakkya ma süpahi ang laxtsuakkya khünak huak 20,200 to nguile jao tüikya.

¹⁰ Jediael ang sasün a Bilhan tata wüi tüikya, ilaxle Bilhan ang sasün anüt: Jeush, Benjamin, Ehud, Kenanah, Zethan, Tarshish, ilaxle Ahishahar hwom bibi tüikya.

¹¹ Ibu a hwom saxthom angkya züjen lompabu tamchu zangle wünkya süpahibu changkya. Hwom sixli khama süpahi ang laxtsuakkya khünak huak 17,200 to ngui lejao tüikya.

¹² Shuppim hia Huppim nyi chuwüi ija homjen angkya changkya. Dan ang sasün tuita, Hushim.

Neptali Sixli Hwom

¹³ Neptali ang sasün ali: Jahziel, Guni, Jezar, hia Shallum hwom tüikya. (Ibu a Bilhah.) Sixli hwom changkya,

Manasseh Sixli Hwom

¹⁴ Aram nok chix danucha makhange Manasseh ang sasün anyi, Asriel hia Makir nyi tüikya. Makir a Gilid hopa changkya.

¹⁵ Makir-e Huppim hia Shuppim nyi hanpakma kakonu lomle atak. Chix nanao mün a Makah changkya. Makir sasün anyi lükya a Zelofehad changkya, ilaxle chix ang sacha hwom tata wüi tüikya.

¹⁶ Makah, Makir kakonue sasün anyi pux, opang ang hwome Peresh hia Sheresh le amünpuix. Peresh ang sasün anyi, Ulam hia Rakem nyi tüikya,

¹⁷ ilaxle Ulam ang sasün tuita Bedan tüikya. Ibu pangwüi Gilid sixlibu changkya, chix a Makir sasün tamchu Manasseh susün changkya.

¹⁸ Gilid nanao Hammoleketh ang sasün azom: Ishod, Abiezar, hia Mahlah hwom tüikya. (

¹⁹ Shemida ang sasün ali: Ahian, Shekem, Likhi, hia Aniam hwom changkya.)

Efraim Sixli Hwom

²⁰ Tsünthom tsünthom to ibu ang Efraim sixli hwom changkya: Shuthelah, Bered, Tahath, Eliadah, Tahath,

²¹ Zabad, Shuthelah. Shuthelah boma Efraim ang mama sasün anyi: Ezar hia Eliad nyi tüikya, ibu a, hwome Gath nok kux tsom-pombu ahux ang thüipongma langle awüt.

²² Hwom hopa Efraim a obibi nyix hexle hwom mang sople nui, ilaxle chix mamixbu chix mong asom ang ngui.

²³ Ifüima chix a tamchatle chix kakonu füi jip-pomle chang, ilaxle she ma nao tüi ilaxle lüka naosa tuita pux. Hwome chix ang, hwom homkha hato hüikya sikngün to saile Beriah, le amün.

²⁴ Efraim ang sacha tuita Sherah le amünle tüikya. She-e atochi hia amachi Beth Horon, ilaxle Uzzen Sherah tinglongbu zaile alai.

²⁵ Efraim ang sasün chuwüi Refah le amünle tuita tüikya, chix sixli hwom ang ibibile tüikya: Reshef, Telah, Tahan,

²⁶ Ladan, Amihud, Elishama,

²⁷ Nun, Jihusua.

²⁸ Haxsüt oja hwome kop ilaxle tingzing nokzingle ngopuix, ikhama Bethel hia ija akhople tüikya tinglongbu womle tüikya, ibu a handünchi ma Naran alople ilaxle hannopchi ma Gezer hia ija akhople tüikya tinglongbu womle tüikya. Ija ma Shekem angkya tingnubu tamchu Ajah, ilaxle ibu akhople tüikya tinglongbu womle tüikya.

²⁹ Manasseh sixli hwome Beth Shan, Tanak, Megido, hia Dor angkya tingnubu, ilaxle ibu akhople tüikya tinglongbu pangwüi to apünle tüikya. Ibibi a Jakop sasün Jusep ngole hüikya onuibu changpu.

Ashar Sixli Hwom

³⁰ Ibu a Ashar sixli hwom changle. Chix ang sasün ali: Imnah, Ishwah, Ishwi, ilaxle Beriah hwom; sacha tuita, Serah hwom bibi tüikya.

³¹ Beriah ang sasün anyi, Hebar hia Malkiel nyi tüikya. (Malkiel-e Birzaith tingnu tingkop.)

³² Hebar ang sasün azom: Jaflet, Shomar, hia Hotham hwom; sacha tuita, Shua hwom bibi tüikya.

³³ Jaflet ang chuwüi sasün azom: Pasak, Bimhal, hia Ashwath hwom tüikya.

³⁴ Chix honao Shomar ang sasün azom: Rohgah, Jehubbah, hia Aram hwom tüikya.

³⁵ Chix honao Hotham ang sasün ali: Zofah, Imna, Shelesh, hia Amal hwom tüikya.

³⁶ Zofah sixli hwom a Suah, Harnefar, Shual, Beri, Imrah,

³⁷ Bezar, Hod, Shamma, Shilshah, Ithran, ilaxle Bera hwom bibi changkya.

³⁸ Jethar sixli hwom a Jefuneh, Pispa, hia Ara hwom,

³⁹ ilaxle Ulla sixli hwom a Arah, Hanniel, hia Rizia hwom.

⁴⁰ Ibu pangwüi Ashar sixli hwom changkya. Ibu a züjen ma lompabu, zan ma naomüibu, noknue awankya lompabu changkya. Ashar sixli hwom khama süpahi mwot moktangkya khünakbu 26, 000 to nguile tüikya.