1 PUKAX-PANGAO 5 - OTSAO BAIBEL (BSI)

Reuben Susa Hwom

¹ Ibu a Jakop sasün tüichongpa Reuben susa hwom changle. (Chixe hopa danucha tuita füi chinunchakkaile changkya khoma, chixe chix tüichong süntswon amüt, ikhoma ibu süntswon a Jusep ang kox.

² Ikoxlechu pangnu saxthom züjen ang apün angkya lompabu koxle a Judah homjen tsak-zongle hüi.)

³ Reuben, Jakop sasün tüichongsa ang sasün hwom ali tüikya: Hanok, Pallu, Hezron, ilaxle Karmi hwom bibi.

^4-6 Tsün tok to tsün le ibu a Joel susabu changle: Shemaiah, Gog, Shimei, Mikah, Reaiah, Bal, ilaxle Birah. Asiria nok chongwangpa, Tiglath Pilesar-e Birah koplaxle pao. Chix a homjen lompa changkya.

⁷ Reuben saxthom angkya ibibi lompabu a, hwom homjen laipex ma zale tüikyabu changle: Jeiel, Zekariah,

⁸ hia Bela, chix a Joel saxthom angkya Azaz sasün ilaxle Shema susün changkya. Ija saxthom a Aroar ma üntoxle Nebo hia Bal Meon zongma shuakuxchi haxtok ma hwom ngo.

⁹ Gilid chaxwan to hwom ang tüle chongkya müizyembu tüikya, ilaxle hwom a Eufrat Shuanu alople khaole tüikya sak-hax alople handünchi kao haxtok ziakop.

¹⁰ Wanghompa Sol tsün ma Reuben homjene Hagri nok to single tingtak, ija zanhok ma ibu lang, ilaxle hwom haxtok Gilid zong ma handünchi kao hwome ziakople chang.

Gad Susa Hwom

¹¹ Handünchi kao Salekah alople jao Bashan haxtok ma, Reuben zongma shuakuxchi ma Gad hwom homjen tingkop-haxzing laxle ngo.

¹² Joel a saxthom khama konu tüichong changkya ilaxle ifangfang angkya saxthom a Shafan changkya. Janai hia Shafat nyi a Bashan angkya mama saxthom konu tüichongbu changkya.

¹³ Mama khünakbu a ibibi saxthom anüt kha angkyabu changkya: Mikail, Meshullam, Sheba, Jorai, Jakan, Zia, hia Ebar hwom bibi.

¹⁴ Hwom a Huri sasün Abihail susa hwom changkya. Hwom putong hwom jemzu a ibibi kople chatle: Abihail, Huri, Jaroah, Gilid, Mikail, Jeshishai, Jahdo, Buz.

¹⁵ Ahi, chix a Abdiel sasün tamchu Guni susün changkya, ilaxle chix a ija saxthombu ma lompa tuita changkya.

¹⁶ Hwom a Bashan hia Gilid haxsüt Sahrun chaxwan to tüikya tingnubu hia müi fumtsüt nui, ibu to ngo. (

¹⁷ Pukax ibu a, Judah nok wanghompa Jotham hia Israel nok wanghompa Jeroboam II hokhi tsün ma athünkya thomkya changle.)

Handünchi Homjen Süpahibu

¹⁸ Reuben, Gad, hia Handün Manasseh homjenbu ma süpahi 44,760 tüikya; ibu a di, changlo hia hapnu, ibu twon angkya müile ano daokyabu changkya.

¹⁹ Hwom a, Jetur homjen angkya Hagri, Nafish, hia Nodab, ibu zan to ka.

²⁰ Hwome Zang to mongong thom ilaxle asun angkya hanpakma chix to zangjop, ilaxle Zang-e hwom zangjop to lan ilaxle Hagri nok hia ija füikya zankat üitho pangwüi to hwom ang lüt ang kox.

²¹ Hwome zanpabu chak tokya ibibi kop ang tho: Man 50, 000, chun 250, 000, ilaxle mantsak 2, 000, ibibi; ilaxle zanda ang khünak 100, 000 koplaxle chat.

²² Hwome zan nokbu huanuma lang, chemthüikoxle ija zanhok a Zang mongtex chang koxle. Ilaxle zanda ang kople paokya kople hwom a ija haxsüt ngo tingtan-nokzingle ngole hüi.

Handünchi Manasseh Khünaknu

²³ Handünchi Manasseh angkya khünaknu a Bashan haxsüt ma, shuakuxchi ma Hermon, Senir, ilaxle Hermon Haxnu alople ngole tüikya, ilaxle hwom khünak huak müimamale putsa.

²⁴ Ibibi a hwom saxthom lompabu changle: Efar, Ishi, Eliel, Azriel, Jeremia, Hodawiah, ilaxle Jahdiel hwom bibi. Hwom pangwüi mixtsak naomüibu, tamchu hwom saxthombu khama noknue awanle ngokya lompabu changkya.

Handünchi Khünakbu a Kop laxle Pao

²⁵ Ikoxlechu khünakbu a hwom pupa hwom Zang to mongong chithom tsuakkya khünakbu changkya ilaxle chixe jwonle apaokya khünakbu ngole tüikya haxtok to shwomkya baozangbu to shwomüi ma chix a awütle tox.

²⁶ Ikhoma Zang-e Asiria nok chongwangpa Pul (owa ang Tiglath Pilesar lechuwüi nyakpuix), chix ang hwom tingtak ang tom. Chixe Reuben, Gad, hia Handün Manasseh homjenbu tsuile pao ilaxle ibu a othuithuima Halah, Habor, hia Hara, ibu ma tamchu Gozan Shuanu kax to ngo ang tom.