1 PUKAX-PANGAO 23 - OTSAO BAIBEL (BSI)

¹ Chemtue Dawid owüiole azule changpuix, chixe chix sasün Solomon a Israel nok wanghompa ang achang.

Liwi Hwom Mwotbu

² Dawid owüiole azule changkya füima, nguapabu hia Liwi hwom pangwüi chixe sele asox.

³ Chixe Liwi hwom zanglao 30 makhange thakchichi khünak huak akiak. Pangwüi athüt koxle hwom a 38, 000 tüikya.

⁴ Wanghompa-e hwomkha angkya 24, 000 khünak a Zangshwom-Hom mwot to akhi ang tom,6000 khünak a jali mokkya zale akiak-akungle thom angkya hia atsi-alale changkya nuazing angkya mwot to süt ang tom,

⁵ 4000 khünake nyetmix mwot moküi, ilaxle 4000 khünake thuaput-waxmai mütle tsai-lwom ngaokya füi achuakle Jowanpa to shwomüi.

⁶ Hwom saxthom-saxthom ma daole, Dawid-e Liwi hwom a othom azom ang ahan: Gershon, Kohath, hia Merari.

⁷ Gershon ang sasün anyi: Ladan hia Shimei nyi tüikya.

⁸ Ladan ang sasün azom: Jehiel, Zetham, hia Joel hwom tüikya,

⁹ Ilaxle ibu a Ladan saxthom lompabu changkya. (Shimei ang sasün azom: Shelomoth, Haziel, hia Haran.) Hwom tüikya.

^10-11 Shimei ang sasün ali: Tüichong naoli achwotle, Jahath, Zina, Jeush, hia Beriah hwom tüikya. Jeush hia Beriah nyi ang osix-oli aluile chitüi, ikhoma hokhi a saxthom tuita ang laxle hüi.

¹² 12 Kohath ang sasün ali: Amram, Izhar, Hebron, hia Uzziel hwom tüikya.

¹³ Chix sasün tüichongsa Amram a Arun hia Mosa nyi hopa changkya. (Arun hia chix sixli hwom a othuithui hanpak ang otsao tuinabu to twon angkya, Jowanpa to shwomle ongan müikya sobu zok angkya, chix thotha angkya, ilaxle chix mün ma khünaknu to mohiman angkya hanpakma süile dan.

¹⁴ Ikoxle Zang khünak Mosa sasün hwom a Liwi hwom khato athüt.)

¹⁵ Mosa ang sasün anyi, Gershom hia Eliezar nyi tüikya.

¹⁶ Gershom sasün hwom khama lompa ang a Shebuel changkya.

¹⁷ Eliazar ang sasün tuita, Rehabiah tüikya, ikoxle Rehabiah ang susa hwom huanuma tüikya.

¹⁸ Kohath sasün naolipa, Izhar, ang sasün tuita, Shelomith tüikya. Chix a hwom saxthom lompa changkya.

¹⁹ Kohath sasün azom lükya, Hebron, ang sasün ali: Jeriah, Amariah, Jahaziel, hia Jekameam hwom tüikya.

²⁰ Kohath sasün ali lükya, Uzziel, ang sasün anyi, Mikah hia Isshiah nyi tüikya.

²¹ 21 Merari ang sasün anyi, Mahli hia Mushi nyi tüikya. Mahli ang chuwüi sasün anyi, Eliazar hia Kish nyi tüikya,

²² ikoxle Eliazar a sasün tuita chitox homtoxle sacha hwom tata toxlaxle zile pao. Chix sacha hwom a oho hwom, Kish sasün hwom ma anok-ating.

²³ Merari sasün naolipa, Mushi, ang sasün azom: Mahli, Edar, hia Jeremoth hwom tüikya.

²⁴ Ibibi a Liwi sasün hwom, saxthom-saxthom hia homjen-homjen ma, hwom pangwüi münzale apüt. Chix susa hwome pange wüi, zangtsa makhange thakchichie, Jowanpa Zangshwom-Hom mwot to asun angkya olom changkya.

²⁵ Dawid-e thüi: “Jowanpa, Israel nok Zang-e chix khünaknu ang mongsom fadaoa, ilaxle chix jaojao Jento Jerusalem ma ngoüi.

²⁶ Ikhoma athaxpi Liwi hwom, Jowanpa Ngwotnui Nyihom hia chix zangshwom pongma laxkya tuinabu pole aham ngo angkya mwot müntüi.”

²⁷ Dawid-e kaxkox daokya ningle, Liwi hwom pangwüi, zangtsa jangngui daoba thothat mwot to süt angkya hanpakma mün apüt,

²⁸ ilaxle hwom ang mwot ibu kox: Arun makhange hüikya zompu-zangpabu Zangshwom-Hom ma zangshwomle changpongma asun angkya, nya-o hia homkhabu to atsao-athale hume angkya ilaxle otsao tuina chitsaokya ang chiachangle thom angkya;

²⁹ Zang ang tö ang kox angkya ankhao to hu angkya, tö kox angkya ankhix, twonkhax chiawon homle zingkya ankhao, tö an atsankya; Zangshwom-Hom töbu koxkya othüt-ozing to hu angkya;

³⁰ ja-nop to Jowanpa achuakle fuazang ang tom angkya,

³¹ üntoxle Jowanpa ang kox angkya tö Sabath nyix zokle changpongma, lyetzün pangpwon ma ilaxle mama pangpwon pangwüi to humele chang angkya. Motthom foto Liwi hwom opupue chem moküihex, ibu pangwüi khünak huak ma laple wanlombu zinglaxle thom. Liwi hwom ang a jento Jowanpa to shwomtole chang angkya mwot kox.

³² Jowanpa Ngwotnui Nyihom hia Zangshwom-Hom to apu-achangle hume angkya, ilaxle hwom-ma hwom-mix, Arun makhange hüikya chix susa hwom to Zangshwom-Hom ma zangshwom pongma asun angkya, ibu hünlit a Liwi hwom ang koxle thom.