THUPILTE 28 - PATHIAN LEKHABU THIANGTHO (BSI)

¹ Migilo chu del lo in a tai in, midik vang sakeibaknei gual in a hangsan hi.

² Gam khat in hi’khial a nei phat leh, thunei ding a tam sek hen; himaleh, vaihawm thiam khat a um phat leh gam a bit sek hi.

³ Migenthei bawlsia vaihawmtu chu, thâichi hise khop ah gawpi pawng zuk tawhbang ahi.

⁴ Dan khawksalote chu migilo chawisâng a hiu a, ahi’n, dan zawmtu chun zia gual mite chu a dodâl sek ui.

⁵ Thil phalo bawlte chun vaihawmna dik a hethiam ngai puau in, Lalpa hawlte chun vang a hethiam sik sek ui.

⁶ Dik tak ah um ziak ah genthei chu, diklo tak ah hausa sâng in a pha zawi.

⁷ Dan zawm tapo chu mipil a hiu a, mi lawpchawp gualpha neite chun, a nu leh pa zachatna a tut sek ui.

⁸ Sumpung lakhawm ah hausa taphot chu, migenthei khawtuate â ding ah lak khawm piak a hiu.

⁹ Dan le ngaisak talo mi chu, a pauchapna le ki’dak um ahi.

¹⁰ Midik lam diklo ah chia petsaktu chu, ama kawkhûk siam ah chun ke’lut in a; mi lamzangte chun vang go thilpha lua in au.

¹¹ Mi hausa a pil pen ah kikoi sâng in, michaga lunggêl thiam tak chu a pilzawi.

¹² Midik in zaw’na a chan phat leh lopina nasa tak a mu’n, migilo in zaw’na a chan phat leh vang mite a kisêl mang sek ui.

¹³ A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

¹⁴ Hun zosia ah Lalpa lau zing mi chu a chung uh a jang hi; ahi’n, a lungthim sukhaute chu haksatna’n ke’lut in au.

¹⁵ Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

¹⁶ Vaihawmtu hetthiamna tasam chu mi bawl genthei ah pang bep ahi; himaleh, lawkna diklo dawilote damsung chu hisau in um in a.

¹⁷ Mi thalup ziak ah mawpawpa chu, a thi ni tiang in vâkvai hen la; kuama’n panpi kiu hen.

¹⁸ Kuale dik tak ah um tapo chu bit intin, diklo tak ah um tapo chu kawkhûk ah kilîk lût in au.

¹⁹ Lou na sêmgimpa chun an nêk ding tam tak nei intin; himaleh, a hun man lo ah mang zo pa chu huaisia tak in chaga’n a.

²⁰ Mi ginum chu vangpha’n tin, hausat pai gawte chu gawt lo in suakcha pua’n au.

²¹ Doisak chuam nei hi a pha pua hen, an kam khat mai ziak inle, mi khat in thil phalo a bawlsak thei hi.

²² Misungchip chun kin tak ah hausak a gua’n, a chung ah tâksapna hung tung ding ahi ti a hepuai.

²³ A lêm ah mi pakcha sâng in, mi zilgaitu chun a nung ah pakchat a law zaw sek hi.

²⁴ A nu a hem, a pa a hem suam ah, “Thil ka bawl khial puai,” ti chu, suam mang lak ah pang ahi.

²⁵ Mi du-âm chun kinakna a chokdok sek in; ahi’n, Lalpa ah ginna nga zing mi chu suk-hausat in um ding ahi.

²⁶ A lemhiatnau kisuanpite chu mingol a hiu in; ching pil tak ah gamta mi chu vang hukdaw in um in au.

²⁷ Michaga thil pete chu bangma tasam ngai pua’n tiu in, a kimulosaktu chun vang hânsiadong in a.

²⁸ Migilo a hung gualzaw phat leh mite a kisêl mang sek un; a manthai phat uh leh midik a pung sek hi.