THUPILTE 22 - PATHIAN LEKHABU THIANGTHO (BSI)

¹ Hausakna thupi tak sâng in min phatna hi têl zawk ding ahi’n; chuleh, dangka leh sana sâng in doisakna chan chu a pha zawi.

² Mi hausa leh michaga’n a nei kop uh a um ah: amau chu Lalpa siam gêl a hiu.

³ Mi pilvâng chun lau umna a la mu lawk in, a kisêl mang sek a; mimawl in vang a khawni ngailo ziakin, a thok khawlaw sek hi.

⁴ Thunuaigolna leh Lalpa launa man chu, hausakna leh choihoina leh hinna ahi.

⁵ Mi chanlam beite lampi chun ling leh thângte a um sek in; mi kivêngtheite chun gamla tak in a pêl sek ui.

⁶ Naupangte chu lam dik hil lechin, a hung upat tiang unle pêtmang ta pua’n au.

⁷ Mi hausa chun michaga chung in vai a hawm a, a thunglâkpa chu a batsak pa suak ahi.

⁸ Diklona chi tute chun siatna tuak intiu in; lungnatna moltum chule lawsam in a.

⁹ Mi huangphalte chu malzawl in um in au, a nêk ding lai uh michagate a hop sek ziak un.

¹⁰ Mi musit chîngte chu naw mang leu chin kinialna, kibauna leh kisualna zosia bei ngal in a.

¹¹ Lungthim thiang ngaina leh paukam nêmte chun, lengpa lawi leh pâi pha’n siam in a.

¹² Lalpa mitmei chun hetthiamna neite chu a vop pha sek in; ginna beite thugen ahileh vang a paitha sek hi.

¹³ Mi thadâ chun, “Pawlam ah sakeibaknei a um hi! Kotzing ah tual thi kha’ng ka,” a ti sek hi.

¹⁴ Numei thanghuai kamsuak chu khuksekua thuk tak gual ahi’n; Lalpa lungnatna mite chu zia tak ah chun a ke’lut sek ui.

¹⁵ Naupang lungthim in ngolna a bek zing a; thununna mol chun vang gamla tak in a naw mang sek hi.

¹⁶ Ama lawkna ding ngaituana ziak ah michaga tawden ah, mi hausa kiang ah petu chu tâksap khawlaw in a.

¹⁷ Mipil in thu a gen hi, la bildaw inla, ka thugen ngaitha’n la; ka thuhilna mang in;

¹⁸ ziate chu la lunggil ah la vop phat ah, la kam ah la hi’det zing chun thil doi um tak hi’n a.

¹⁹ La ginna chu Lalpa chung ah la ngak theina dingin, tu’ni hin nangma kiang ngei ah ka hun hiatsak ta ahi.

²⁰ Keima’n nang â ding ah kihilna ding leh, hetthiamna dingin thuching sawmthum,

²¹ thu dik leh kingakna tâk thu chu hun etsak ding leh, a hun sawltute dawnhuna dik tak la piak theina ding ah ka zikdaw piaksa hilo a hem?

²² Michaga chu a chagat lemchâng sa in chomgam kin; kulpi kêlkot bul inle mi liangvaite chu tawden diak kin;

²³ Lalpa‘n amau chu genpi gêl gêl ding ahi ngal a; amau haw chomgam taphot chu, Lalpa‘n amau hinna le chomnâm ding ahi.

²⁴ Mi lungna hât chu gualpha’n siam kin la; mi lungchomte chule kivoppi diak kin,

²⁵ achutiloleh, amau umchan hun zui in la tin, a thâng ah chun kipal awk kha tawl in la.

²⁶ Kipautiam chîngte leh, leiba man ding ah kitung sekte lak inle pang kin.

²⁷ Bangma piak ding nei zo lo kha le chin, la lupna nasan hun lak piak kha lo ding a hiu em?

²⁸ La pi la puteu in masang lai ah gamgi a thun sau chu chawn kin.

²⁹ Mi khutthiam taima la mu kha em? Ama chun lengte na sep piak intiu in, mi vantângte na sêm ngai pua’n au.