THUPILTE 17 - PATHIAN LEKHABU THIANGTHO (BSI)

¹ In sung ah kina buai zing kawm ah luaithe’na an nêk sâng in, kilung tuak tak ah ankhing nêk khawm chule a pha zawi.

² Suak pil tak ah nasem chun a pu chapa dukdak lo tak chung ah vaihawm intin; a In sung go kihopnau inle chantum nei in a.

³ Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

⁴ Thil phalo bawlte chun paukam phalo a ngaichâng zing un; mi lepchia inle thusia lam in a bil a daw sek hi.

⁵ Michaga tawtbawlna mang chun amau siampa simmaw ahi’n; mi vangsiatna phaje sa chu gawt lo in suakcha pua’n a.

⁶ Têksete â dingin a tuteu chu a lal lukhuk uh ahi’n; chate lopina chu a nu leh pateu hi a hiu.

⁷ Thu gun gen leh mimawl a kilawm pua’n, zuau gen leh vaihawmpa a kilawm lo zaw diak hi.

⁸ Golgûkna hi a pete â dingin, suang dawi nei tawhbang ahi’n; a kiheina lam taphot in a lawting sek hi.

⁹ Sukkhialna ngaidamtu chun gualpha’n a siam in, diklona gen gente’n vang a lawi pha laite nasan a naw mang ui.

¹⁰ Mingol za khat vei vok sâng in, mipil khatvei mai zilgai chule a phachuam zawi.

¹¹ Mi engsia chun kiphinna ding bep a ngaitua in, ama do dingin thangko gilo sawl piak hi’n a.

¹² Mingol a gutut a pua’n lai tak sît khak sâng in, savompi a no kiluak piak zo pan kituakpi chu nop a um zawi.

¹³ Phatna gitlona thuk sekte In ah kipat in, thil phalo kichawidok ngai pua’n a.

¹⁴ Kinialna hi tui kithâdok tawh bang ahi’n; kinakna a hung pawt masang in kinialna chu haisan in.

¹⁵ A gilo zaw thiam chansak leh, a dikzaw thiamlo chansak chu, a paniu in Lalpa ki’dak lam tak ahi gêl ui.

¹⁶ Zilna ding lungthim bawn neilo, mingol khut ah chun pilna man ding kipe laizang ding a hem?

¹⁷ Gual leh pâi pha chun bangtik lai inle a hepi zing in; suapite hi vang, siat ni phat ni â ding him ah piang a hiu.

¹⁸ Hetthiamna bei mi chu a kipautiam molmaw sek in, a Invêngte sik ah mawpaw dingin a kipia pai pai sek hi.

¹⁹ Thilsia dawi mi chu kinak a nuam in, a mit chung têt ah kiletsak chu siatna hawl ahi.

²⁰ Mi lungkawi chu a lawting ngai pua’n; hol leh kam kilette chule vangsiatna’n a lut sek ui.

²¹ Mingol hingtu chu mi lungngai ahi’n; mingol nu leh pa chun kipakna him a nei puau hi.

²² Lungthim kipakna chu damdawi pha tak ahi’n, lungthim thasia chun vang gu leh châng a hikeu hi.

²³ Mi nunsia chun vaihawmna dik pêtsanna dingin, golgûkna a la sek hi.

²⁴ Hetthiamna nei mi chun pilna lam a nga sek in; mingol mit chun kawlmong a en sek hi.

²⁵ Cha ngolte chu a pau â ding ah lunggimna a hiu in, amau hingtu a nu â ding ah lunggimna lian tak ahi.

²⁶ Mawna bei gawt chu a dik pua’n, hotu lian chule a dikna vok chu a dik diak puai.

²⁷ A thugen ah kisûm thei mi chu hetna nei mi ahi’n; jainem tak ah thugen theite chu, hiatthiamna nei ah ngai a hisek hi.

²⁸ Mingolte chule a thip hiat hiat ua leh pil gual in a kingai in; a mûk huktup zo te chu, hetthiamna nei ah ngai a hisek ui.