THUGENTU 10 - PATHIAN LEKHABU THIANGTHO (BSI)

Thuhilna Chuam Chuam

¹ Thosi thi chun gimtui siampa thau gimtui chu, a ui gim a suaksak thei in; zia gual ma chun, ngolna neucha’n, pilna leh ja’umna a mansua thei hi.

² Mipil lungthim chun a dik lam ngen a gêl in, mingol lungthim chu vang, a dik lo lam ngen in a chia pêt sek hi.

³ Mingol chun lamlian dung, a zuina ziang inle a ngolna a sulang in; mitin kiang in a ngolna a tâklang pek hi.

⁴ Vaihawmtu la chung ah a lungnat pêt in, la umna mun chu nusia ziang kin; thipbek ah la umtheina ziakin, sukkhialna nasa tak le a hi’dam thei hi.

⁵ Khawvel ah hin thil phalo tak khat le ka mu a um in, zia chu vaihawmtu ah kipat diklona hung pawt sek tawhbang ahi hen;

⁶ mingol nasa tak ah choisa’n ah a um leh, mi hausa mun niam ah chutsak hi.

⁷ Suakte sakol chung ah chuang leh lengte suak gual ah a keng ua lamzawt ka mu’n.

⁸ Kuale mi kiakna ding ah khûk lai tapo chu, zia chun ama kia’n tin; bâng vit-hawm chu gûl in chu’n a.

⁹ Suang luak khawmte chu suang in hiliam intin; thing ektu chu chanpal ding lau um ah um ahi.

¹⁰ Chem a mawl chun, thing a sât but pua’n; tichun, thagum a ngaizaw diak sek hi; ahi’n, pilna chun lawtinna dingin ei panpi sek hi.

¹¹ Gûl chu vâkngam ahi masang ah a hun chuk chun, gûl vâk chu a phatchuamna bei ahi.

¹² Mipil chun a kamsuak in mi doisakna a chang in; mingol mûk chun ama a ne zo sek hi.

¹³ A kamsuak chu ngolna’n a hung kipan in, a thugen tawpna chu ngolna poikhoi thu ahi;

¹⁴ mingol chu a kam tam hi. Kuama’n bang gual ah thil hung tung ding a hem ti leh, a thil hun tuak ding uh bang gual a hem ti, kuama a hil lawk thei puai.

¹⁵ Mingolte chu a nasepnau in a pum val zaw hen; khawpi zotna lampi nasan a hethei ta puau hi.

¹⁶ Aw gam, la chung a gik hi: La leng chu a khangdawng talua’n; la lalchapate’n jingkal nasan in, luaithe’na a siam ui!

¹⁷ Aw gam, la na a vak hi; la leng chu milian ja’um ahi; la leng chapate’n khamna ding hilo, hatna dingin, a hunbî tak tak in luaithe’na a siam ui!

¹⁸ Thâtdana ziakin In chung a chim in; khut thâtbeina ziakin In chung gua a vai.

¹⁹ Limna dingin luaithena siam ahi’n, uain in hinna a hitai in; dangka chu thil zosia awnghukna’n a pang hi.

²⁰ Leng chu la lungthim ziang inle hânsia law kin; la lupna pindan sung inle mi hausa chu hânsia law kin; la thugen chu chunglêng vacha khat to inle, vatutsawn thei intin; tha nei ganhing dang khat inle, valawt tua thei ahi ngal a.