SAM 99 - PATHIAN LEKHABU THIANGTHO (BSI)

A Thiantho Ziak ah Pathian Pâkna

¹ Lalpa chu leng ahi; nam zosia’n lau in kilîng tau hen! Cherubte chung ah lal in a chu hen, lei hi kithing ta hen!

² Lalpa chu Zion ah chun a lopi ma ma hi; nam zosia chung ah choisân in a um hi.

³ Amau in la min lopi leh lau um chu hun pâk tau hen. Ama a thiangtho ngal a!

⁴ Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

⁵ Lalpa I Pathian uh pâk unla, a kengbul ah chun chibai bûk un. Ama chu a thiangtho hi!

⁶ A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

⁷ Sûm ding in amau a hun ho in, a thu hetsak leh a dan thuguatte chu a zawm tau hi.

⁸ Aw Lalpa ka Pathian uh, nang in amau la dawnhu ta’n; amau ngaidam zing Pathian chu la hi; ahi’n la, a bawlkhelnateu ah phuba la pa chu la hi.

⁹ Lalpa I Pathian uh chawihoi unla, a tâng thiangtho ah chun chibai bûk tau in; Lalpa I Pathian uh a thiangtho ngal a.