SAM 98 - PATHIAN LEKHABU THIANGTHO (BSI)

Khawvel Vaihawmpa Pâkna Pâkna La

¹ Aw Lalpa chawihoi in La thak sau inla; thil lamdang takte a bawl ta ngal a. A khut changlam leh a bân thiangtho chun, zaw’na a chang ta ngal a.

² Lalpa‘n a gualzawna a het sak ta’n; a dikna chu mi zosia mit mu ah, kichian tak in a latsak ta ahi.

³ Israel Inkuante chung ah a ngilneina leh, a thutakna a hezing hi. Kawl kîmvêl tiang ah mi zosia’n le, I Pathian zaw’na a mu tau hi.

⁴ Leilung lua zosiate haw, Lalpa chawihoi in lim tak in kiko un; kikodok unla, lim tak ah La sa’n, a choihoina La sau in.

⁵ Tingtang tawh Lalpa pâk in La sau in, tingtang leh gihawi in a pâkna La sau in.

⁶ Pengkul leh pengkul neute mût in, Lengpa, Lalpa ma ah chun lim tak in kiko tau in.

⁷ Tuisuagiat leh a sung ah um zosia gi hum hum tau hen; leilung leh a sung ah um zosia hi tawh.

⁸ Luipite’n a khut uh bêng uh hen la, tângte’n le kipak ziakin La hun sau hen la,

⁹ khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.