SAM 76 - PATHIAN LEKHABU THIANGTHO (BSI)

Israel Pathian–Mi Zosia Chung ah Vaihawmpa Asaph Pâkna La.

¹ Judah gam ah Pathian het in a um in; Israel gam ah a min choihoi in a um hi.

² Salem in a bawkcha a um in; Zion tâng in a chêng hi.

³ Zia tak ah chun thalchangte, phawte, chemjamte leh, kido’na matchâkte chu a susia tai.

⁴ Nang chu kumtuang tângsipte sâng in la lopi in, la ja’um zaw ma ma hi.

⁵ A hangsante gâl lâk chu lâkpiak in a um un; i-mut duna’n a dim un, a sepaite lak ah pakhat inle, a khut uh a lek thei ta puau hi.

⁶ Aw Jakob Pathian, la vauna ziakin sakol leh, a chungchuang mite chu a tawimaw zo tau hi.

⁷ Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

⁸ La vaihawmna thu chu van ah kipat in, la hun hiatsak sek hen; lei hi lau in a kithing in,

⁹ vaihawm ding ah Pathian a hung kipat ah, lei ah nuaisia ah um zosia hukdok ding ah, a hung kipat lai ah khan.

¹⁰ La lungnatna la kitûk tânsak phat leh, mihingte lungnatna chun hun chawisâng in au.

¹¹ Lalpa la Pathian kiang un thuthung siam unla, zia chu mualsuau in; a kîmvêl ah mi zosia chun, kichâk dingpa â ding thilpiak, hun chawi khawm tau hen;

¹² ama’n lengte hinna sât tan in a, lei ah lalte â dingin a lau um hi.