SAM 73 - PATHIAN LEKHABU THIANGTHO (BSI)

Sam Bu 3na: ( Sam 73—89 ) Mi Engbawlte Lak ah Kipat Panpi Ding ah Dotna Asaph Pâkna La

¹ Mi dikte â ding leh, thinlung thiangthote chung ah chun, Pathian chu a pha tak tak hi.

² Ke’n vang ka chuan pel vang vang sek in; ka kalsuante hi a teu vang vang sek hi.

³ Mi nunsiate vangphat dan ka mu phat leh, mi kiletsakte chu ka mitthîp kha sek ngal a.

⁴ Natna a nei puau in, a taksau chu hisel in, a mâmpha ma ma hi.

⁵ Midangte gual in a buai puau ah; midangte gual in a veisia puau hi.

⁶ Ziaziakchun, kiletsakna chu, khî gual in a ngawng un a awk un, nunsiatna chun puan gual in a tuam hi.

⁷ Thauna ziakin a mit uh a pawng ah, thilphalo gêlna’n a lungthim uh a dimlêt hi.

⁸ Mi a nuisan un, a pau el ten un; kisathei tak in mi nuaisia chîngte a vau sek ui.

⁹ Van lam a gensiau ah, a kamsuak uh chun leilung hi a jel suak hi.

¹⁰ Tichun, mite’n amau lam chu nga’n a pâkchau ah, a thiamlona him him a mudok zo puau hi.

¹¹ “Pathian in bangti’n hethei ding a hem? Chungnung pen in hetna nei ding a hem?” a tiu a.

¹² Mi nunsiate zia gual chu a hiu a; nuamsa tak ah um in, a hausa tul tul ui.

¹³ A thawn mai in ka thinlung ka hithiang ah, ka khutte gensiat bei in ka silthiang sek hi.

¹⁴ Nitum ah nat gimthei thuak in ka um in, jing si’n leh gawt in ka um ngal a.

¹⁵ “Zia gual chun gen mai ‘ka,” a la ti hileng chu, la chate um ding gual ah um, hita lo ding ka hi’ngal a.

¹⁶ Zia thu chu hetthiam ham ham gaw maleng, kei â dingin a chawl um talua hen,

¹⁷ ka Pathian mun thiangtho ah ka lût a, a tawpna ding uh ka vamu chian tai.

¹⁸ Amau chu mun nâl tak in la koi a, siatna’n la pûk lûtsak tai.

¹⁹ Bangtidan a hem mitphet kâl sung bep ah, huaisia tak ah hi’châkvai ah a um ziang tâk uh hi!

²⁰ Mitin in a khatlaw nung ah a mang, bangma a sak lo gual in, nang inle la hung khatlaw phat leh, a lau umnau chu bangma’n ngai pua’n la.

²¹ Ka thinlung a lungngai ah, ka ngaituanate sut liam a hilai in,

²² mimawl leh bangma helo ka hi hen; nang â dingin gamsa ngong tawhbang bep ka hi.

²³ Ahi’nla, la kiang in ka um zing sek a; ka khut changlam la tuzing hi.

²⁴ La lemhiatna’n ei pui inla, zia nung chuleh lopina’n ei la lop ding la hi.

²⁵ Van ah nang lo’ngal kua a hem ka nei? Lei ah le nangsâng ah ka doizawk a um puai.

²⁶ Ka taksa leh thinlung chautha maleh; Pathian chu vang kumtuang ah, ka thinlung hi’hatpa leh, ka kumtuang gochan chu ahi.

²⁷ Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a.

²⁸ Kei â dingin vang, Pathian nai ah um hi a pha ahi; Lalpa Pathian chu kihumbitna’n ka mang hi, la thilbawl zosia chu ka gensawn theina dingin.