SAM 70 - PATHIAN LEKHABU THIANGTHO (BSI)

Mêlmate Lak ah Hukdok Ding ah Pauchapna David La

¹ Aw Pathian, ei lungsiat inla, ei hukdok in. Aw Lalpa, ei panpi dingin kin-gang in!

² Ka hinna hi’mangthai ding ah hawlte chu, mualpho leh sukbuai in um tau hen. Ka siatna ding doite zosia chu jamsiatsak ah, hi’mangthai in um tau hen.

³ “Chei, Chei” ei ti khumte chu, a zachat ziak un kile’kit tau hen.

⁴ A hun hawlte zosia chu nangma ah chun, lim in kipak tau hen. La hukdamna ngaina zosia chun, “Pathian chu a lopina e!” ti zing tau hen.

⁵ Kei vang, genthei leh tasam ka hi; aw Pathian, ei hun nai kin in! Nang chu ei panpipa leh ei hukhingpa la hi; Aw Lalpa, hung muangchâng kin!