SAM 57 - PATHIAN LEKHABU THIANGTHO (BSI)

Hi’genthei ah Um lai ah le Thamuanna leh Pâkna (Saul ah kipat David a taimang ahkawlhawm ah a um lai thu) David Miktam

¹ Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

² Chungnung pen ah Pathian chu ka ko in; kei â ding ah a thiltup zosia, ei bawlpiakpa Pathian ngei chu.

³ Van ah kipat hun sawl in, ei hukdok intin, ei nuaisiate chu mualphosak ding ahi. Pathian in a ngilneina leh a ginumna chu, hun sawldok ding ahi.

⁴ Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

⁵ Aw Pathian, vante khêl pek ah choisa’n in um ta’n! La lopina chun leilung zosia lua suak ta hen.

⁶ Ka keng awkna dingin lên a phau a; ka hinna hi sotden in a um tai. Ka kiakna dingin ka lampi’ kawkhûk a cho un, amau a ke’lut tau hi.

⁷ Ka thinlung hi a det hi, aw Pathian, ka thinlung hi a det hen, nangma hun chawihoi in La sa’ng ka.

⁸ Ka thagau tho in. Aw dîngduang leh tingtangte, hal un! Kei chu jingpi tak in tho ing ka.

⁹ Aw Lalpa, mi zosia lak hin, la chung ah kipak thu gen ing ka; namtin lak ah nangma pâk in La sâng ka.

¹⁰ La ngilneina chu vante gual ah sâng ahi’n, la ginumna chunle vândumte a khûp hi.

¹¹ Aw Pathian, vante khêl lam pek ah, choisân in um ta’n! La lopina chun leilung zosia lua suak ta hen!