SAM 54 - PATHIAN LEKHABU THIANGTHO (BSI)

Vaihawm Piak Ding ah Pauchapna (Ziph mite’n Saul kiangah, “Ka lak un David a hung kisel hi,” ti a vahil lai ua kiphuak)

¹ Aw Pathian, la thilhitheina’nei hukhing inla; la thahâtna’n vai ei hawm piak in.

² Aw Pathian, ka pauchapna ngaitha’n la, ka kam ah thu pawtte hin la bil hun daw in.

³ Mi chapote ei soisa dingin a hung kipan un; mi nunsiate chun ka hinna hi’mangthai gua’n a hawl ui; Pathian a ngaisak puau hi.

⁴ Himaleh, Pathian chu keima ei panpipa ahi; Lalpa chu ka hinna voppa ahi.

⁵ Ama’n ka mêlmate a gitlonau thuk in a. La ginumna ziakin amau chu hi’mangthai in.

⁶ Kipak tak in la kiang ah kithoina lân ing ka tin; Aw Lalpa, la min pâk ing ka; zia chu a pha ngal a.

⁷ Ka lungdonna zosia lak ah kipat, ei hukdaw tâk ziakin; ei do-te ka zaw’na chu ka mit in mu ta’n a.