SAM 46 - PATHIAN LEKHABU THIANGTHO (BSI)

Pathian in A Khawpi leh A Mite A Vêng Hi Korah Chate La Alamoth La

¹ Pathian chu I kisêlnau leh I hatnau, lungkham lai ah panpi vak ziang naicha um ahi.

² Leilung hi hung danglam in, tuisuagiat lailung ah tângte le kithing in;

³ a tuite chu gi zung zung in, phul bul bul ziang hen la; a kinawk nasat ziakin tângte hi, kilîng dûp dûp ziang maleh, lau puai tiu. (Selah)

⁴ Lui pakhat a um ah, zia lui bâkte chun Pathian khawpi a kipaksak un, Chungnung Penpa chênna thiangtho ngei chu.

⁵ Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

⁶ Namtin a lungnau ah, lenggamte le a kilîng ah; a aw a sua leh leilung a tuitha zo tai.

⁷ Sepai honte Lalpa chun ei umpi a; Jakob Pathian chu I kisêlnau ahi.

⁸ Hung unla, Pathian thilbawlte hi hung en tiam un; lei chung thawmhau tak ah a koidante hi.

⁹ Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

¹⁰ “Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

¹¹ Sepai honte Lalpa chun ei umpi hi; Jakob Pathian chu I kisêlnau ahi.