SAM 43 - PATHIAN LEKHABU THIANGTHO (BSI)

Buai Hun ah Pathian Panpi’na Don ah Pauchapna

¹ Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

² Nang ka kisêlna Pathian la hi’ngal a; bang a tia ei pâmpai la hem? Bang ding ah mêlmate nuaisia ziak ah, lungkham ah mau tawl tawl ding ka hem?

³ Aw, la vâk leh la thutak chu hun sawldok inla; ziate chun ei pui in, la tâng thiangtho leh, la chênna munte chu ei tut uh hen.

⁴ Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

⁵ Aw ka hinna, bang ding ah lungkia, ka sung ah bî theilo la hem? Pathian ah kinem ta’n la, ama ei panpipa leh ka Pathian chu, pakcha kit ding ka hi’ngal a.