SAM 32 - PATHIAN LEKHABU THIANGTHO (BSI)

Gitlo Ngaidamna’ Kipakna David La. Maskil

¹ A sukkhialna ngaidam ah um ah, a gitlona liakhu ah umte chu mi hampha a hiu.

² Lalpa‘n khawlona nei ah a ngailo ah, a lungthim ah mi thepna him him umlo te chu mi hampha a hiu.

³ Ka thip hiat hiat sung khan, nitum ah ka mauna lam in ka taksa hi a la chau zo ta’n.

⁴ A sûn a jan in la khut ka chung ah la nga sek ngal a; khâl nipi’n thil a hi’danglam gual in, ka tha hile a ke hia’i huai ziang tai. (Selah)

⁵ Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

⁶ Ziaziakchun, mi ginum zosia chu, la kiang in pauchap tau hen; lungkhamna ni a hung tun ah, tuisângte chu a hung lêt tak leh, chup pha ta pua’n a.

⁷ Nang, ka kisêlgukna la hi’n; lungkhamna lak ah kipat ei hukdok in la tin; lei hukdawna ziak ah kipakna La te chu, ei ûm kîmvêlsak ding la hi. (Selah)

⁸ La chiana ding lampi chu hun kawk mu in, hun hil ing ka tin; ka mit ah hun entha zing in, lem hun guat piak ding ka hi.

⁹ Ngaituana nei lo sakol a hem, sabiltung a hem gual in um kin la, a nungchang uh chu kamkaina khau lo’ngal in, a thunun thei ngai pua’n; chutilochun, thunun pua’n la.

¹⁰ Migilo â dingin lungkhamna tam tak a um in, ahi’n, Lalpa ging mi vang chu, ngilneina’n ûm kîmvêl zaw’n a.

¹¹ Aw midikte haw, Lalpa ah chun lim in kipak unla; mi lungthim dik takte haw, lim in kiko tau in.