SAM 3 - PATHIAN LEKHABU THIANGTHO (BSI)

Haksat Hun ah Pathian Ginna (A chapa Absalom ah kipata jamsiat lai ah a phuak) David Pâkna La

¹ Aw Lalpa, ka mêlmate a tam ta nau e! Mi tam tak ei do dingin a hung kipan tau a;

² mi tam tak in, “Pathian ah kipat in nangma panpi’na ding a um puai,” ei tiu hi.

³ Himaleh, Aw Lalpa, nang chu ka kîmvel ah ka phaw la hi’n; ka lopina leh ka luchang domkângpa la hi.

⁴ Ngai tak in Lalpa chu ka ko ah, a tâng thiangtho ah kipat in ei dawnhu hi. (Selah)

⁵ Ka lum ah, ka la ipmu ta’n, Lalpa‘n ei la tûk zing ziakin, ka hung thodok kit tai.

⁶ Ei do ah, ei ûm kîmvêl, mipi sangsawmte chu ka lau puai.

⁷ Aw Lalpa hung kipan in! Aw ka Pathian, ei hukdok in! Ei do-te zosia a ngeibiang uh la khet piak ah; mi nunsiate ha chu la khetbal piak tai.

⁸ Hukdawna hi Lalpa â ahi; la mite chu maljawl ta’n! (Selah)