SAM 24 - PATHIAN LEKHABU THIANGTHO (BSI)

Tempul Ah Lûtna David Pâkna La (2 Sa 6.12-15)

¹ Lei chung leh a sung ah um zosia, khawvel leh a sung ah chêng zosia hitawh, Lalpa â ahi’n;

² tuisuagiat chung in a lemdok in, luipi tuite chung ah a phudet ahi ngal a.

³ Lalpa tâng ah kua hem kal to ding? A mun thiangtho ah kua hem ding thei dingle?

⁴ Khut thiangtho leh lungthim thiangtho nei ah, a lungthim ah bangmalo mai mai ngaitua ngailo ah, lungthim dawha phalo nei ah kitiam ngailo mite chu.

⁵ Amau chun Lalpa ah kipat maljawlna dong intiu in, a hukhinnau Pathian ah kipat in panpi’na chang in au.

⁶ Ama hawlte chu zia gual chun um intiu in, Jakob Pathian mêl hawlte ngei chu.

⁷ Aw kotpite haw, la luchang uh dom sâng un! Nanghaw kumtuang kotkhakte haw, kikhâi sâng tau in! Lopina Lal a hung luttheina dingin.

⁸ Zia lopina Lal chu kua a hem? Lalpa hât leh thil hi’thei tak, Lalpa, kido’na thilhi’thei tak chu ahi.

⁹ Aw kotpite haw, la luchang uh dom sâng un! Nanghaw kumtuang kotkhakte haw, kikhâi sâng tau in! Lopina Lal a hung lûttheina dingin.

¹⁰ Zia lopina Lal chu kua a hem? Sepai honte Lalpa chu, lopina Lal ahi.