SAM 19 - PATHIAN LEKHABU THIANGTHO (BSI)

A Thilsiam leh A Dan in Pathian A Lopi Hi David Pâkna La

¹ Vante khin Pathian lopi zia a hiatsak un; vanthamjawl lian tak khin a khutsuak a latsak hi.

² Sun in sun kiang in a hilsawn ah, jan inle jan kiang in hetna a latsak sawn hi.

³ Thu ah gen leh pau git a hemle a ngai puai; a awu chu het ding a um pua’n;

⁴ ahi’n la, a awu chun lei chung zosia a fang suak in, a thuu chule kawl kîmvêl tiang in a thang suak tai. Vante ah khin nisa â dingin puanbûk a jak pal piak ah,

⁵ zia kipat chun moneipa, a pindan ah kipat hung pawtdok gual leh, mi tai hât kipak tak ah tai gual in a hung pawtdok hi.

⁶ Van mong langkhat in a hung suak a, a mong langkhat lam tiang in a chia kual in; a satna’n a kât lo ding ah kisêlgû bangma a um puai.

⁷ Lalpa dan chu a pha bukim in, hinna a chok-hal sek in; Lalpa thu hiatsak chu a dik in, mimawl a hipil sek hi;

⁸ Lalpa thununna chu a dik in, thinlung a kipaksak sek hi; Lalpa thupiak chu a kichian in, mitte a hi’vâk sek hi;

⁹ Lalpa launa chu a thiangtho in, kumtuang a dai hi; Lalpa vaihawmnate chu a dik in, a dik suak hi.

¹⁰ Sana leh sana thiangtho tam tak, sâng ah le, doi um zaw ahi’n, khuaizu thiang, khuaiphâng ah vatha lim sâng ah le thum zaw ahi.

¹¹ Zia bep chule hilo in, la suak hi zia chun hilgai in ka um sek ah; ziate zop chu kipakman nasa tak, channa ahi nalai hi.

¹² Kua a hem ama sukkhialnate hedok thei ding? Diklona kisêlgute lak ah kipat hin ei hithiang in.

¹³ Gitlo thil ah hiamngam lo dingin, la suak hi ei chingtup zing inla; ka chung in thu neisak kin. Chutileh, pha bukim in um thei ing ka tin, thil lian tak bawlkhial lo in um thei ding ka hi.

¹⁴ Aw Lalpa, ka suangpi leh ei Tanpa, ka kam ah thu pawtte leh, ka thinlung ah ka ngaituanate hi, la mit mu ah pom tâk hitau hen!