SAM 149 - PATHIAN LEKHABU THIANGTHO (BSI)

Israel â Ding ah A Phatna Ziak ah Pâkna

¹ Lalpa chu pâk tau in! Mithiangthote kikhopna chun, Lalpa chawihoi in La thak sau inla, a pâkna La sa tau in.

² Israelte chu amau Siampa chung in kipak uh hen la; Zion chate chu a Lal pen chung un kipak tau hen!

³ Lâm pum in a min pâk uh hen la, khuangneu tawh tingtang in ama pâk in La sa tau hen!

⁴ Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

⁵ Mi ginum taphot chu lopi tak ah choisa’n in um uh hen la; a lupna chung un lim in La sau hen.

⁶ Pathian choihoina sâng tak chu a kam un pawt hen la, chemjam hiamtua a khut un chawi uh hen la,

⁷ namtin chung ah phuba la, mi tinte chung ah gawtna tunsak ding leh,

⁸ a lalteu thikkol ah kân ah, a milianteu thikkhau bûsak ding leh,

⁹ a chung ua thutanna umsa dungzui in vaihawm ta hen. Zia chu a mi ginum zosiate â ding ah lopina ahi. Lalpa chu pâk tau in!