SAM 141 - PATHIAN LEKHABU THIANGTHO (BSI)

Thil phalo Lak ah Vêng bit Ding ah Pauchapna David Pâkna La

¹ Aw Lalpa, ka hun ko hi, kin tak in ka lam ah hung in; ka kona aw hin la bildaw in.

² Ka pauchapna gimtui gual in la ma’n khu to hen la, ka khut hun jakte hile nitâk lam kithoina gual hi hen.

³ Aw Lalpa, ka kam ah vêngtu koi inla, ka mûk kotkhak vêng bit in.

⁴ Thil phalo bawlte lak ah, thil phalo bawl bep kisakla’pi dingin, ka thinlung hi thil phalo lam in kai hei kin la; a an tui takteu chule ei nêk sak diak kin.

⁵ Mi dikte chun ei vuau hen la, mi ginumte’n ei zilgai uh hen. Mi gilote sathau ka luchang nu’ in um ki’hen la, ka pauchapna chu thil phalo a bawlteu do-na a hizing ngal a.

⁶ Amau thiamlo chansak dingte kiang ah piak daw ahi’phat leh, ka thugente hi a phat dan hun he ta’n au.

⁷ Min suangpi a khetbuang ah, lei lak ah a thejak gual in, a guteu chu Sheol kotbul ah thejak in um ta hen.

⁸ Aw Pathian, ka Lalpa, ka mit in vang la lam a hun nga’n, nangma ka hun bêl zing hi; panpitu bei gual in ei nusia kin.

⁹ Ka awkna ding ah a thâng kam ua kipat hin ei hukdok inla, mi khelte thâng lak ah kipat in.

¹⁰ Keima bep ka suachât lai in mi nunsiate chu, a lênthâng uh chun ke’lut tau hen.