SAM 132 - PATHIAN LEKHABU THIANGTHO (BSI)

Zion ah Pathian Kumtuang ah Chêng Zing Kaltona La

¹ Aw Lalpa, David la doisakna ziakin, a haksat thokna zosia kha hezing inla;

² Lalpa kiang ah sia sam ah, Jakob Pathian hât kiang ah thu a tiam dan kha:

³ “Ka chênna In sung ah lût pua’ng ka tin, ka jalkhun le kâi diak pua’ng ka;

⁴ ka mit sîng pua’ng ka tin, ahiloleh, ka mitvunte le a sîn uh phal pua’ng ka,

⁵ Lalpa â ding ah mun ka hawldaw masia, Jakob Pathian Hat chênna ding mun ngei chu,” a ti’n.

⁶ A thu Ephrathah ah I hiau a, Jaar lou munte ah chun I la mu tau hi.

⁷ “Ama chênna mun ah lût hitiu in, a kengbul ah chibai bûk hitiu”.

⁸ Aw Lalpa, kipan inla, la cholna mun ah chia in, nang tawh la hatna bawm tawh.

⁹ La thiampute dikna’n kivan uh hen la, la mi ginum chu kipak in kiko hen.

¹⁰ La suak David ziakin, la sathaunu’ mâi chu hei mang kin.

¹¹ A kihei mangsan lo dingin, Lalpa‘n David kiang in tung tei ding in, sia a la sam ta’n: “La chate lak ah mi khat, la lalchutpha’ chutsak ing ka.

¹² La chate’n ka thuthung leh, ka thu hetsakte, amau haw ka hil dingte chu a zop uh chun, a chateu kumkhua’n la lalchutpha, chutsak zing ing ka,” ti in.

¹³ Lalpa chun Zion a la têl ta ngal a; ama chênna mun dingin a dawi ziakin:

¹⁴ “Zia tak hi kumtuang ah, ka cholna ding mun chu hi hen la; zia tak ah hin chêng zing ing ka, ka la têlna mun ahi ngal a,” ti’n.

¹⁵ Nêk leh châk in jangvuk ing ka tin, a lak ua chagate chu vaithum in kipaksak ing ka.

¹⁶ A thiamputeu chu hukdamna’n thuam ing ka tin; a mi ginumteu chu lim in kiko in au.

¹⁷ Zia tak ah chun David chawisâng ing ka tin; ka sathaunu’ â dingin thaumei ka guat piak tai.

¹⁸ A mêlmateu chu mualphona puan in thuam ing ka tin; ama chung in vang lal lukhuk te set set in a.