SAM 125 - PATHIAN LEKHABU THIANGTHO (BSI)

Pathian Mite Bitdan Kaltona La

¹ Lalpa muang mite chu Zion tâng, suklîn gual lo, kumtuang ah um zing ding gual chu a hiu in.

² Tângte’n Jerusalem a ûm vêl gual in, Lalpa chu a mite kîmvêl in a um sek hi, tu’ kipat kumtuang tiang in.

³ Nunsiatna lal tiang chu, midikte gam chung ah chu ngai pua’n tin; midiktatte’n a khut uh, thil phalo bawl dingin lâm pua’n au.

⁴ Aw Lalpa, miphate chung ah chun pha tak in bawl inla, a thinlung sung ua kipat, dik tak ah umte ngei chung ah chunle.

⁵ A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!