SAM 124 - PATHIAN LEKHABU THIANGTHO (BSI)

Israelte Hukdawna Ziak ah Kipak thu Genna Kaltona La. David La

¹ I lam ua Lalpa pang lo hile chu, Israelte’n tu’hin tiu hen la;

² I mêlmateu in ei do lai uh khan, I lam un Lalpa pang lo hile chu aw! ti tau hen.

³ I chung ua a lungnat lai uh khan, I hingsan un ei la val zo ta mai ding a hiu hen;

⁴ Tuipi’n ei la tokmang ta’n tin, tui kinawk inle ei la chup mang ta’n tin;

⁵ tuiliante chu I chung un, a la luang ta ding ahi ngal ah, ti tau hen.

⁶ Sa a pe ding ua a piak gual ah, ei la piak lo ziakin Lalpa chu pâk in um ta hen.

⁷ Thângkam mite thâng ah kipat vacha suakcha gual in, I hinnau a suakcha’n; thâng chu suksiat ah um in, ei haw suakcha kha mai mai I hiu!

⁸ Ei panpi’na chu Lalpa, lei leh van siampa min in a um hi, ti tau hen.