SAM 112 - PATHIAN LEKHABU THIANGTHO (BSI)

Mi Diktatte Vangphatna

¹ Lalpa chu pâk un! Lalpa laute chu a nau a vak hi; a thupiakte ah nasa tak ah kipak mite chu.

² A suan leh pâkteu chu lei ah hât tak in um in au; midiktat te suan chu maljawl in um in au.

³ A In un go leh hausakna a um in, a diknau chun kumtuang dai in a.

⁴ Mi dikte â ding ah vâk hi dingin, thim lak ah kipat in a hung suakdok a; amau chu mi lungsiat thiam, jainem leh dik a hiu.

⁵ Huangphal tak ah thunglâk sak ah, dik tat tak ah bangkim bawltu chu, phatna’n a vuk sek hi.

⁶ Midiktat chu bangmatik in, kilîng lo ding ahi ngal un; kumtuang ah hetzing hi’n au.

⁷ Thusia hetkhak ding a lau puau in; Lalpa ah chun lungthim det in, a muang ui.

⁸ A thinlung uh a det ah, lau him him pua’n au; a tawp leh a mêlmateu chung ah zaw’na hun mu’n au.

⁹ Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

¹⁰ Mi nunsiate’n zia chu a mu phât uh leh lungna’n, a hau gawi maleu bangmalo hi’ntin; migilote duthusam chule bangmalo hung suak ta’n a.