SAM 11 - PATHIAN LEKHABU THIANGTHO (BSI)

Pathian Muanna La David Pâkna La

¹ Lalpa chu ka bêlbul ahi; bang ding ah vacha gual ah, “tâng lam ah lêng mang in,” ei ti ding la hem?

² En un, mi nunsiate chun a thal uh chu lawi in, a khau ah chun a thalchang chu a bul tau in; thinlung dik tak pute chu a kâptheina ding un.

³ A suangphûmte bawn hi’siat ahi chun, midik in bang bawlthei diak ding a hem?

⁴ Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

⁵ Lalpa‘n midik leh mi nunsia a patep ah, thagum sua nuam mi chu a hinna’n a hua ahi.

⁶ Mi nunsiate chung in mei leh kât zuksak intin; mi kâng keugawp thei hui lum chu amau chantum hita’n a.

⁷ Lalpa chu a dik ngal ah; dik tak ah nasep dawte a ngaina’n, mi diktatte’n a mêl mu ding a hiu.