SAM 100 - PATHIAN LEKHABU THIANGTHO (BSI)

Gam Zosia Pathian Pâk Ding ah Kona Kipak thu Genna La

¹ Gam zosiate haw, Lalpa chawihoi in lim tak in kiko un.

² Kipak pum in Lalpa biau inla, La sa pum in a ma’n hung tau in.

³ Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

⁴ Kipak thu gen kawm in, a kotpite ah chun hung lût unla, pâk pum in a biak In huang sung, tuallai ah lût un. A kiang ah kipak thu gen unla, a min pâk tau in.

⁵ Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.