SAM 1 - PATHIAN LEKHABU THIANGTHO (BSI)

Sam Bu 1na: ( Sam 1—41 ) Lampi Pani Chu

¹ Mi nunsiate thuhilna zui ngai lo a, mi nunsiate lampi’le ding ngai lo a, mi musitte chutpha’le kichu ngailote chu mi hampha a hiu;

² a kipaknau chu Lalpa dan in ahi zaw’n, a dan thu chu a sûn a jan in a ngaitua sek ui.

³ Amau chu tui luang zing kiang ah thing kiphu, a hun si’n ah ga sek, a dua vuai ngailo gual chu a hiu hi. A thilbawl tapo un a lamzang pek ui.

⁴ Mi nunsiate vang zia gual chu ahi puau hen, busi hui in a tawmang gual bep ahi zawu hi.

⁵ Ziaziakchun, mi nunsiate chu vaihawmna’n ding pua’n tiu in; mi nunsiate le mi dikte kikhopna’n pang diak pua’n au.

⁶ Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.