NEHEMIAH 7 - PATHIAN LEKHABU THIANGTHO (BSI)

¹ Tu’hin, kulbâng leh a kotkhakte siam zaw ahi’phat in, kul kotkhak ngâk dingte, La sa dingte leh Levite chule ka guat chiat tai.

² Ka suapipa Hanani chu Jerusalem ah vaihawm ding leh, Hananiah chu mi ginum tak leh, mi tam takte sâng ah le Pathian lau zaw mi a hiziak in, Lal In vêngte lak ah hotu dingin ka guat a.

³ A kiang un, “Nisa a sat hial masia chu Jerusalem kul kotkhak chu hon hi ki’hen la, kul kotkhak vêngte’n a vên zing lai un, a kotkhakte chu khâk in kamchak sek un. Chuleh, Jerusalem khua sung ah chêngte lak ah kipat in, gâlvênna mun ah gâlvêng ding leh, khenkhat amau In jawn chiat ah gâlvêng dingte guat chiat hi hen,” ti’n ka hil a.

⁴ Khawpi chu a lian in a kiphâ diai duai ah; himaleh, a sung ah mipi a tawm in, Inte chule sak nai lo ahi nalai hi.

Saltânna Kipat Hungkitte Chu

⁵ Ziaphatchun, ka Pathian in ka lunggil ah miliante, vaihawmte leh mipi zosia ko khawm ah a khanggui dungzui ua tepte ding dan ei hun ngaitua dawsak a. Chuleh, a hungkitte lak ah a masa pente khanggui suina lekhabu chule ka mu ta’n; a sung ah zia gual hin a kizik a:

⁶ Zia hi Babulon Lengpa Nebukadnezar in sal ah a puimangte, gambung tin ah kipat hung pawtdokte chu a hiu ah; amau khawpi chiat zuan in Jerusalem leh Judai gam ah hung tung kitte chu a hiu a.

⁷ Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum leh Baanah tawh a hung pawtdok khawm tau a.

⁸ Israel mipite tam dan chu: Parosh chate chu sang ni za khat sawmsagi leh ni a hiu a;

⁹ Shephatiah chate chu za thum sawmsagi leh ni a hiu a;

¹⁰ Arah chate chu za guk sawmnga leh ni a hiu a;

¹¹ Jeshua leh Joab suante lak ah Pahath-moab chate chu sang ni za giat sawm leh giat a hiu a.

¹² Elam chate chu sangkhat za ni sawmnga leh li a hiu a;

¹³ Zattu chate chu za giat sawmli leh nga a hiu a;

¹⁴ Zakkai chate chu za sagi leh sawmguk a hiu a;

¹⁵ Binnui chate chu za guk sawmli leh giat a hiu a;

¹⁶ Bebai chate chu za guk sawmni leh giat a hiu a;

¹⁷ Azgad chate chu sang ni za thum sawmni leh ni a hiu a;

¹⁸ Adonikam chate chu za guk sawmguk leh sagi a hiu a;

¹⁹ Bigvai chate chu sang ni sawmguk leh sagi a hiu a;

²⁰ Adin chate chu za guk sawmnga leh nga a hiu a;

²¹ Ater chate lak ah le Hezekiah chate chu sawmkua leh giat a hiu a;

²² Hashum chate chu za thum sawmni leh giat a hiu a;

²³ Bezai chate chu za thum sawmni leh li a hiu a;

²⁴ Hariph chate chu za sawmkhat leh ni a hiu a;

²⁵ Gibeon chate chu sawmkua leh nga a hiu a;

²⁶ Beth-lehem leh Netophah ah chêngte chu za sawmgiat leh giat a hiu a;

²⁷ Anathoth ah chêngte chu za sawmni leh giat a hiu a;

²⁸ Beth Azmaveth ah chêngte chu sawmli leh ni a hiu a;

²⁹ Kiriath Jearim, Kephirah leh Beeroth ah chêngte chu za sagi sawmli leh thum a hiu a;

³⁰ Ramah leh Geba ah chêngte chu za guk sawmni leh khat a hiu a;

³¹ Mikmasa ah chêngte chu za sawmni leh ni a hiu a;

³² Bethel leh Âi ah chêngte chu za sawmni leh thum a hiu a;

³³ Nebo dang khat ah chêngte chu sawmnga leh ni a hiu a;

³⁴ Elam dang khat ah chêngte chu sangkhat za ni sawmnga leh li a hiu a;

³⁵ Harim ah chêngte chu za thum leh sawmni a hiu a;

³⁶ Jeriko ah chêngte chu za thum sawmli leh nga a hiu a;

³⁷ Lod, Hadidi leh Ono ah chêngte chu za sagi sawmni leh khat a hiu a;

³⁸ Senaah ah chêngte chu sang thum za kua leh sawmthum a hiu.

³⁹ Thiampute Inkuan jat chu a hiu leh: Jeshua Inkuan lak ah Jedaiah chate chu za kua sawmsagi leh thum a hiu a;

⁴⁰ Immer chate chu sang khat sawmnga leh ni a hiu a;

⁴¹ Pashhur chate chu sang khat za ni sawmli leh sagi a hiu a;

⁴² Harim chate chu sang khat sawm leh sagi a hiu hi.

⁴³ Levi Inkuan ah mi jat chu: Jeshua suante lak ah Kadmiel suan Hodevah chate chu sawmsagi leh li a hiu a;

⁴⁴ La sate chu: Asaph suante lak ah mi chu za sawmli leh giat a hiu hi.

⁴⁵ Kotkhak vengte chu: Shallum suante, Ater suante, Talmon suante, Akkub suante, Hatita suante leh Shobai suante chu a leng un za sawmthum leh giat a hiu.

⁴⁶ Nethinimte chu: Ziha suante, Hasupha suante, Tabbaoth suante,

⁴⁷ Keros suante, Sia suante, Padon suante,

⁴⁸ Labana suante, Hagaba suante, Shalmai suante,

⁴⁹ Hanan suante, Giddel suante, Gahar suante,

⁵⁰ Reaiah suante, Rezin suante, Nekoda suante,

⁵¹ Gazzam suante, Uzza suante, Paseah suante,

⁵² Besai suante, Meunim suante, Nephushesim suante,

⁵³ Bakbuk suante, Hakupha suante, Harhur suante,

⁵⁴ Bazlith suante, Mehida suante, Harsha suante,

⁵⁵ Barkos suante, Sisera suante, Temah suante,

⁵⁶ Neziah suante leh Hatipha suante chu a hiu a.

⁵⁷ Solomon suakte suan leh pâkte chu: Sotai chate, Perida ah Sophereth chate,

⁵⁸ Jaala chate, Darkon chate, Giddel chate,

⁵⁹ Shephatiah chate, Hattil chate, Pokhereth-hazzebaim chate leh Amon chate a hiu a.

⁶⁰ Tempul ah suak nasêm cheng tawh, Solomon suakte suan leh pâk haw chu a leng un za thum sawmkua leh ni a hiu.

⁶¹ A nuai ah haw hi Tel-mêlah, Tel-harsha, Cherub, Addon leh Immer ah kipat hung pawtte chu a hiu a; himaleh, kuate suan leh kuate phung ah mi a hiu em ti leh, Israel mi ahileh hilo le kisuidok zo talote a hiu.

⁶² Delaiah chate, Tobiah chate leh Nekoda chate chu a leng un za guk sawmli leh ni a hiu.

⁶³ Thiampute lak a: Hobaiah chate, Hakkoz chate, Gilead mi chapa Barzillai chanute tawh kicheng, amau phung ah kiko ta maite chu a hiu.

⁶⁴ Ziate chunle khanggui suina lekhabu chu kikhum lut a guau ah; himaleh, a phunggui uh a kisuidaw theilo ziak un, thiampute lak ah simkhawm thei a hita puau hi, a thianglo ah ngai a hiziak un;

⁶⁵ gam awppa chun amau haw â ding ah Urim leh Thumim, thiampu’n a hun nei masang sia chu an zek thiangtho pen chu a nek lo diu ahi, a ti tai.

⁶⁶ Mipi kikhawm zosia chu sîng li sang ni za thum leh sawmguk a hiu a;

⁶⁷ A lak ua simkhawm lo, suak numei leh pawsal sang sagi za thum sawmthum leh sagi a pang un; amau chun La sa pawl le, numei leh pawsal kigawm in za ni sawmli leh nga a nei ui.

⁶⁸ Amau chun sakol za sagi sawmthum leh guk a nei un; sakol neutele za ni sawmli leh nga a nei ui;

⁶⁹ sangawngsau za li sawmthum leh nga leh, sabiltung sang guk za sagi leh sawmni le a nei ui.

⁷⁰ Chuleh, a phung tin ah hotute lak ah khenkhat in, nasepna ding a hun tuak khawm un. Gam awppa chun sana thiang daric sangkhat tawh, kuangkang sawmnga tawh, thiampute puan ding za nga leh sawmthum chu thawlawm in a hun tuak a.

⁷¹ Chuleh, phung tin ah hotute lak ah khenkhat in kulbâng siamna thawlawm dingin, sana thiang daric sîng ni tawh, dangkathik sang ni leh za ni le a hun tuak ui.

⁷² Chuleh, mipi vantangte thil tuak khawm zosia chu, sana thiang daric sîng ni leh dangka thik minas sang ni leh thiampute puan ding sawmguk leh sagi ahi.

⁷³ Tichun, thiampute, Levite, kotkhak vengte, La sa pawlte, mipite leh tempul ah suak nasêmte leh Israel mi zosia chu, amau khawpi chiat ah chun a chêng muang hiat hiat tau hi.