JOSHUA 15 - PATHIAN LEKHABU THIANGTHO (BSI)

Judah Phung Ah Mite Gam Channa

¹ Judah phung ah mite, a Inkuan dungzui chiat ua a gochan ding uh âisân ah a kiakna mun chu, simlam ah Edom gamgi tiang, Zin gamthip lam ah a simtawp tiang ahi’n.

² Chun, simlam ah a gamgiu chu Tuipi Thi mong ah kipat simlam kâi tuikawi chan ahi’n;

³ Akrabbim chiatona kipat in simlam zuan in a chia pek ah, Zin tiang in a vatung ah, zia kipat chun Kadesh-barnea simlam ah kithung to pek in Hezron a vatung ah; chuleh, Addar ah chia to in Karka lam in a kihei a;

⁴ Azmon lam ah chia pek in, Aigupta Wadi ah hung pawt in, Tuipi in a tawp a. Zia chu simlam ah la gamgi ding uh ahi.

⁵ Chun, sualam ah gamgi ding chu Tuipi Thi ah Jordan lui sua chan hi’n a. Chuleh, mallam ah gamgi ding chu Jordan luisua ah tuili kawi chan hi’ntin;

⁶ zia kipat chu kithung pek in, Beth-hoglah chan ah chia in, Beth-arabah chan chia in ah; chuleh, gamgi chu chia pek in, Reuben chapa Bohan Suangphu tiang ah kithung in,

⁷ Akor guam ah kipat in Debir ah chia to pek in, mallam ah Adummim ah chiatona kiang ah Gilgal lam zuan in, zia mun chu phâicham ah kipat simlam ah um a hi’n; chuleh, gamgi chu Enshemesh luidung ah chia pek in En-rogel in a tawp a;

⁸ zia kipat chun Hinnom chapa guam, Jebushte kenliang gam simlam (zia chu, Jerusalem ahi) tiang in a kithung a; Rephaim phâiguam mallam ah Hinnom phâicham gâl, tumlam kâi ah tângvûm lam in a kithung pek a;

⁹ chuleh, gamgi chu tângvûm ah kithung pek in, Nephtoah lui tuite nâk hun sun in, zia kipat chun Ephron tâng lam ah khawpite hun haw malam in, zia kipat chun Baa-lah (zia chu, Kiriath-jearim a hi’n) lam in a hung kawi ah;

¹⁰ tichun, Baa-lah tumlam ah kipat in Seir tâng a hun kualkhum ah, Jearim tâng (zia chu, Kesalon ahi’n) mallam kenkâi lam ah chiatheng in, Beth-shemesh lam ah chia suk in, Timnah lam in a chia pek a;

¹¹ Ekron mallam tâng ah kithungto in, Shikke-ron kual khum in a kihei ah, Baa-lah tâng lam hawtheng in, Jabneel lam in a hung pawtdok ah; tichun, Tuisuagiat in a tawp tai.

¹² Chun, tumlam pang ah gamgi chu Mediteranean Tuisuagiat gei jul jul chu ahi mai hi. Zia gamgi chun Judah phung ah mite, a Inkuan dungzui chiat un a kual khum hi.

Kaleb in A Gam A Luana

¹³ Lalpa‘n Joshua kiang ah thu a la piak gual ah khan, Judah phung ah mite lak ah Jephuneh chapa, Kaleb kiang in a chanvo dingin Kiriath-arba chu a pia ta’n; zia mun chu Hebron le a kiti sek a (Arba chu Anak pa ahi.)

¹⁴ Chun, Kaleb in zia mun ah kipat chun Anak suan, a chapa pathumte: Sheshai, Ahiman leh Talmai chu a nawdok ta’n.

¹⁵ Zia kipat chun Debir khua mite do in a vachia to un; Debir khua chu ni dang lai in Kiriath-sepher a la kiti sek hi.

¹⁶ Chun, Kaleb in, “Kuale Kiriath-sepher sim ah kuandok ah, hun zo taphot chu, ka chanu Akhsah tawh kichensak ing ka,” a ti ta’n.

¹⁷ Kaleb suapi, Kenaz chapa Othniel in a vazo ta’n; tichun, a chanu Akhsah chu a ji dingin a pia tai.

¹⁸ A kichen zaw phat un a pa gam dawn dingin a ji chun a pawsal chu a tîlgu ta’n. A sabiltung chung ah kipat Akhsah chu a hung kum phatin Kaleb in, “Bang a hem la dawi?” ti’n a dong a.

¹⁹ A chanu’nle, “Thil ken ding khat ei pia’n; Negeb gam ah lei umsak tâk ziakin Tuinâk neite le ei pekhawm in,” ti’n a don ta’n. Tichun, Kaleb in Tuinâk saknung leh Tuinâk thangnungte chu le a pia ta’i.

Judah Khawpite Chu

²⁰ Judah phung ah mite, a Inkuan dungzui chiat ua a goluanau gamte chu ziate hi a hiu a.

²¹ Simlam ah Edom tawh gamgi jul ah Judah phung ah mite khawpi chu: Kabzeel, Eder, Jagur,

²² Kinah, Dimonah, Adadah,

²³ Kedesh, Hazor, Ithnan,

²⁴ Ziph, Telem, Bealoth,

²⁵ Hazor-hadattah, Keriot-hezron (zia chu, Hazor ahi),

²⁶ Amam, Shema, Moladah,

²⁷ Hazar-gaddah, Heshmon, Beth-petlet,

²⁸ Hazar-shual, Beer-sheba, Bizio-thiah,

²⁹ Baa-lah, Iim, Ezem,

³⁰ Eltolad, Chesil, Hormah,

³¹ Ziklag, Madmannah, Sansannah,

³² Lebaoth, Shilhim, Ain leh Rimmon: khawpi sawmni leh kua, a khawpelteu chiat tawh a hiu a.

³³ Phâijang ah chun: Eshtaol, Zorah, Ashnah,

³⁴ Zanoah, En-gannim, Tappuah, Enam,

³⁵ Jarmuth, Adullam, Sokoh, Azekah,

³⁶ Shaa-rim, Adithaim, Gederah, Gedero-thaim: khawpi sawm leh li, a khawpelteu chiat tawh a hiu a.

³⁷ Zenan, Hadashah, Migdal-gad,

³⁸ Dilan, Mizpeh, Jokthe-el,

³⁹ Lakish, Bozkath, Eglon,

⁴⁰ Kabbon, Lahmam, Kitlish,

⁴¹ Gederoth, Beth-dagon, Naamah leh Makkedah: khawpi sawm leh guk, a khawpiteu chiat tawh a hiu a.

⁴² Libnah, Ether, Ashan,

⁴³ Iphtah, Ashnah, Nezib,

⁴⁴ Keilah, Akhzib leh Mareshah: khawpi pakua, a khawpelteu chiat tawh a hiu a.

⁴⁵ Ekron khawpi leh a khawlpelte tawh;

⁴⁶ Ekron ah kipat Tuisuagiat tiang, Ashdod kiang ah khawpi leh a khawpel zosia tawh a hiu a.

⁴⁷ Ashdod kiang ah khawpi leh a khawpel zosia tawh; Gaza khawpi leh a khawpel zosia; Aigupta luipi dung leh Tuisuagiat Lian leh luikam zosia tiang ahi.

⁴⁸ Chuleh, tânggam ah chun: Shamir, Jatter, Sokoh,

⁴⁹ Dannah, Kiriath-sannah (zia chu, Debir ahi),

⁵⁰ Anab, Eshtemoh, Anim,

⁵¹ Goshen, Holon leh Giloh te hi tawh: khawpi sawm leh khat, a khawpelteu chiat tawh a hiu a.

⁵² Arab, Dumah, Eshan,

⁵³ Janim, Beth-tappuah, Aphekah,

⁵⁴ Humtah, Kiriath-arba (zia chu, Hebron ahi) leh Zior: a leng ah khawpi pakua, a khawpelteu chiat tawh a hiu a.

⁵⁵ Maon, Karmel, Ziph, Juttah,

⁵⁶ Jezreel, Jokdeam, Zanoah,

⁵⁷ Kain, Gibeah leh Timnah: khawpi sawm, a khawpelteu chiat tawh a hiu a.

⁵⁸ Halhul, Beth-zur, Gedor,

⁵⁹ Maarath, Beth-anoth leh Eltekon: khawpi paguk, a khawpelteu chiat tawh a hiu a.

⁶⁰ Kiriath-baal (zia chu, Kiriath-jearim ahi), leh Rabbah: khawpi pani, a khawpelteu gel tawh a hiu ah.

⁶¹ Gamthip ah chun Beth-arabah, Middin, Sekakah,

⁶² Nibshan, Chi khawpi tawh Engedi: khawpi paguk, a khawpelteu chiat tawh a hiu a.

⁶³ Himaleh, Judah phung ah mite chun Jerusalem khua chêng Jebus mite chu vang a nawdok suak puau; ziaziakchun, tu’ni tiang hin Jebus mite chu Judah mite lak ah Jerusalem khuan a chêng den tau hi.