JEREMIAH 47 - PATHIAN LEKHABU THIANGTHO (BSI)

Philistinte Chung ah Gawtna

¹ Pharaoh in Gaza khawpi a sim masang in, Philistinte chungchâng thu, Lalpa‘n jawlnei Jeremiah kiang in zia gual hin a hun gen a:

² Lalpa‘n zia gual hin a gen hi: Ngai un, mallam ah kipat in tui a hung lian ah, tuisânglet hung suak ding ahi; gam leh a sung ah um zosia, khawpi leh a sung ah chêngte chu, hun chupmang sik sek ding ahi. Mipite chu hung patau intiu in, gam sung ah chêng mi zosia chu, hung kiu veng vung ding a hiu.

³ Sakol kengtaw git, kângtalai tai git leh, kângtalai keng kipei gite a het phat un, nu leh pate’nle a chateu ngaisak man talo in, a khutteu chu a zawitha zo tai.

⁴ Philistinte zosia sukmangthaina ding ni, Tura leh Sidon ah panpitu um sunte, sukmangthaina ni ahiziak in. Kaphtor tuisuagiat jul ah um sun, Philistinte chu Lalpa‘n a sukmangthai tk ding ziakin.

⁵ Gaza ah chêngte a lungdong gam tau ah, Ashkelon ah chêngte le a thip chil chel tau hi. Aw, a thilhitheinau um nalai sunte haw! Bang chan kisugenthei nalai ding la hiu em?

⁶ Katei, Lalpa Chemjam! Bang chan thip nalai ding la hem? La chempâi ah kithun lut inla, kichawldam in la thip ta’n!

⁷ Lalpa‘n a sep ding ah thu a piak ngal leh, bangti’n um thim mai mai thei ding a hem? Ashkelon leh tuisuagiat pang ah gamte, do ding ah a guat ahi ngal a.