JEREMIAH 45 - PATHIAN LEKHABU THIANGTHO (BSI)

Barukh Kiang ah Thamuanna Thu

¹ Judai gam ah Lengpa Josiah chapa, Jehoiakim a lal kum li’na chun, Jeremiah gen dungzui ah zia thute hi lekhabu zial ah a zik lai ah, Neriah chapa Barukh kiang ah jawlnei Jeremiah thugen chu:

² Aw Barukh, Israelte Pathian, Lalpa chun la kiang ah zia gual hin a gen hi:

³ Nang in, “Ka chung a gik na e! Lalpa‘n ka natna’n lungngaina ei belap piak ah; ka thûm leh mauna hi ka chaupi in, chawldamna ka mu zo puai,” la ti hen.

⁴ Ziaziakchun, a kiang ah zia gual hin gen in, “Zia gual hin Lalpa‘n a gen hi: Ka sak zawsa chu pheltha’ng ka tin, ka phusa chu botdok kit ing ka, zia chu gam pumpi hi ahi.

⁵ Nang in, nang â ding ah thil thupi tak hawl la hi em? Zia gual chu hawldâ mai in; mi zosia chung ah siatna hun tun ding ka hi’ngal a, Lalpa‘n a tii; himaleh, mun tin ah la chiana taphot ah, nangma â ding ah la phatna dingin la hinna hun pia’ng ka,” ti in a gen tai.