HOSEA 12 - PATHIAN LEKHABU THIANGTHO (BSI)

Ephraim Sualna Ve’thâkna

¹ Ephraim in hui a khol khawm ah, sûn nitum in sualam hui a del hi; amau in zuau thu leh thagum sua’na a hi’pung un, Assuria tawh thuthung a siam un, Aigupta ah sathau a paw lut ui.

² Lalpa‘n Judah chu maw a chansak hi, Jakob chu a umdan dungzui in gawt intin, a thilbawl dungzui in thuk in a.

³ A nu sûl ah kipat khan a u makhel a gua’n, a hung pitin phatin Pathian a buan hi.

⁴ Vansawlchâk tawh a kibuan un, a buan zo ta’n, kap pum in a maljawlna a don a; Bethel ah a kituakpi ah, zia chun a kiang in thu a gen tai.

⁵ Lalpa, sepai honte Pathian chu, Lalpa chu a min ahi!

⁶ Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

⁷ Amau chu vang, sumkawlvei mi, bûkna diklo mang ah midangte thêm sekte gual chu a hiu.

⁸ Ephraim in vang, “A he, ka hausa tai, hausakna ka kimudaw tai; ka chan zosia ah hin keima ah, gitlona ding sukkhialna mu in a um puai,” a ti hen.

⁹ Aigupta ah kipat khan Lalpa la Pathian uh chu ka hi; guat ah um kût nite gual ah puanbûk ah, la chên gual khan puanbûk ah hun chênsak kît ding ka hi.

¹⁰ Jawlneite kiang in ka la gen tai; kilâkna supung kei ka hi. Jawlneite mangcha’n la chung ua siatna tunsak ding ka hi.

¹¹ Gilead ah thudiklo’na a um ah, bangmalo mai hung suak têi ding a hiu. Gilead ah chun bawngchalte’n a kithawi un, tichun, a mâichâmteu chu jawtlam chung ah, suang kisia khawm gual in hung um in a.

¹² Aram gam in Jakob a jam lut a, a ji ding law in Israel chun na a sêm a, a ji man ding law in belam a ching hi.

¹³ Jawlnei pakhat mang in Lalpa‘n Israel chu, Aigupta ah kipat in a la puidok ta’n, jawlnei pakhat in a chingtup tai.

¹⁴ Ephraim in a sulungna masa’n, tichun, a Lalpa‘n a gitlo man, a chung in hun but khum intin, a suasalnate a chung in hun thuk ding ahi.