AMOS 6 - PATHIAN LEKHABU THIANGTHO (BSI)

Kinoptel Ah Thanghuaite Gawt Ding

¹ Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

² Kalneh khua chia to unla, en un; zia kipat chun Hamath khaw lopi ah chun chiau inla; zia kipat chun Philistinte gam ah Gath ah chia suk un. Zia leng gamte sâng ah hin la phazawu em? Ahiloleh, la gam uh amau gam sâng in a lianzaw a hem?

³ Nanghaw, ni phalo gamla tak ah koi ah, thagum ah vaihawmna hi’naite hilo la hiu em?

⁴ Saiha jalkhun chung ah lum ah, chutnasau chung ah nuam tak ah kichawl ah, belam hon lak ah belamno sate ne ah, kul ah kipat bawng tuaite kinêk ah;

⁵ tingtang tawh thâtbeina La sa’n, David gual ah thil gi hoite kisiam ah;

⁶ kuangcha bêm ah uain dawn ah, sathau pha pen pen kinu’te, himaleh, Joseph siatna pawnalote chung chu a gik hi!

⁷ Ziaziakchun, sal ah chia mang masate lak in pang in’au, lupna nuam takah kichawldamna chu bei ta’n a.

⁸ Lalpa Pathian chu ama min ah kihaksial in, (Sepai honte Pathian, Lalpa chun a ti ta ahi:) Jakob kisaktheina chu ka ki’dak in, a kulpite chule ka hua ahi; a khawpi leh a sung ah um zosia chu pedok ding ka hi.

⁹ In pakhat ah mi sawmkhat a um nâklai ua leh, a leng un thi’n au.

¹⁰ Chuleh, mithi hâl tum ah um ding a chanaupa chun, In sung ah kipat mithiluang a hun lakdaw guat ah, In sungnung pen ah um kua a hem khat kiang ah chun, “La kiang ah mi dang khat a um nalai em?” hun ti leh, ama chun, “A um ta puai,” ti’n dawnhu ta’n a. Ziaphat chuleh, “Katei! Lalpa min chu I suadok lo hial diu ahi,” hun ti’n a.

¹¹ En in, Lalpa‘n thu a pia’i, In lian chu a chim lem lum in, In neu chu athem anên in kêk jak in a.

¹² Suangpi chung in sakol a tai ngai em? Bawngchal in lou a kai gual in kua’n tuisuagiat chung a kai ngai em? Himaleh, nang un vang vaihawmna dik chu gû la suaksak un, diktatna ga chu gamsai la suaksak sek ui.

¹³ Nanghaw, Lo-debar limpi ah, “Eimau hatna ziak ah ei uh â ding ah, Karnaim kilâk hilo I hiu em?” la tiu hi.

¹⁴ Lalpa, sepai honte Pathian in, Aw Israel, nangma hun do dingin nam khat hun siam ding ka hi. Amau chun Lebo-hamath ah kipat, Wadi Arabah tiang in hun tawden in’au, a tii.