1 SAMUEL 30 - PATHIAN LEKHABU THIANGTHO (BSI)

David in Ziklag Bulu’te Chung ah Phuba A Lâkna

¹ Ziazaw a ni thum ni chun, Amalekte’n, Negeb leh Ziglak a la zaw’na nung un; David leh a lawite chu Ziglak a hung tung ua, Amalekte’n a la hâl tum zawu ahi tai.

² Numeite tawh, khua sung ah um zosia, a lian a neu sal in a man tau ah; kuama chu that lo in a pui un, a la chia mang tau hi.

³ David tawh a lawite khawpi a hung tun phat un, a khuau chu a la kihâltum ta’n; chuleh, a jiteu, a chapa leh chanuteu a leng un sal ah mat a hi zo tau hi ti a he tau a.

⁴ Ziaphatchun, David tawh a lawite chu tha leh zung nei talo khop in, ha-ka’n a kap ziang tau hi.

⁵ David jite ni, Jezreel mi Ahinoam tawh, Karmel ah Nabal ji Abigail chule sal ah mat in a la um tau a.

⁶ Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.

⁷ David chun Ahimelekh chapa thiampu Abiathar kiang in, “Thiampu puanâk kha hun la tia,” ti’n a don a. Tichun, Abiathar in Ephod chu David kiang in a hun chawi a.

⁸ David in Lalpa a dong ah, “Zia pawlte hi ka delzui diam? Ka delpha nalai diam?” ti in. Ama chun, “delzui in; delpha’n la tin, a khut ua kipat vahukdok kit sik sek ding la hi,” ti’n a hun dawnhu tai.

⁹ Tichun, David chu a kiang ah sepai za guk umte chu tawh a kipandok tau a. Besor guam a hung tun phat un, a lawiteu hon khat zia tak ah chun a nusia tau a.

¹⁰ David in a lawite mi za li chu tawh a delzui pek un; a lak ua mi za ni’te chu a chau tâk ziak un, Besor guam khêl chia pei talo in, zia tak ah chun a nusia tau hi.

¹¹ Gamtalai ah chun Aigupta mi pakhat a mudok un, zia pa chu David kiang in a hun pui ua, vaithum a piau ah, a ne ngâl ah; a dawn dingle tui a piau a;

¹² chuleh, theipi ah vaithum kisiam tawh, grep ho bawk ni le a pia tau hi. Ziate chu a nêk phatin a hung hal deu ah; ni thum leh jan thum lam an ne lo leh tui dawn lo ah a la um a hita’n.

¹³ Ziaphatchun, David in a kiang in, “Kua lam ah pang la hi em? Khoilam ah kipat hung la hi em?” ti’n a dong a. Ama chun, “Aigupta gam ah tangval, Amalekte suak ah um ka hi’n; ni thum a hita’n, ka damlo ziakin ka pu’n ei nutsia mai ka hi.

¹⁴ Kherethte gam simlam leh Judah te luana gam leh Kaleb gam simlam ka vabuluu ah; chuleh, Ziklag khuale ka hâltum uh ahi,” ti’n a dawnhu a.

¹⁵ David in a kiang ah chun, “Aleh, zia mi simte umna lam ah chun lei pui thei diam?” ti’n a dong a. Ama chunle, “Ei that lo ding leh ka pu khut ah ei pedok kit talo dingin Pathian min in kitiam inla; chutileh, zia mite umna mun ah chun hun pui tung ing ka,” ti’n a dawnhu tai.

¹⁶ A pui tung phatin, Philistin gam leh Judai gam ah a gâllâkteu ziak ah kipakna siam in, ne leh dawn ah lâm in a la um thâng gei gui ziang tau a.

¹⁷ David in khawthim jul ah kipat jan khawvak leh a jing nitâk lam tiang in a do ta mai ah. A lak ua tangval za li, sangawngsau ah chuang ah taimangte tilo taphot chu a leng un a that gam zo tai.

¹⁸ David chun Amalekte’n a la puimang zosiau kha a lâkpiak kit sik sek ah; David in a jite ni chule a hukdok kit tai.

¹⁹ Tichun, a lian a neu, a chapateu leh a chanuteu gâl lâk ah umsa zosia chu, matsua khatle umlo in, David in a leng in a hun pui kit zo tai.

²⁰ Chuleh, David in belam honte, bawng honte zosia chu a lâkpiak kit tai; ziate chu gancha dangte âng in a hun somdok un, mite chun, “Ziate hi David gâllâkte chu a hiu,” a la tiu a.

²¹ Ziaphatchun, David in a lawite mi za ni, a chau ziak ua David zui zolote, Besor guam ah a nutsiate kiang lam a hung tung kit tau a. David tawh a kiang ah umte dawn dingin a hung pawtdok un. Mipite kiang a hung tun phatin David in chibai a bûk a.

²² David zuite lak ah mi chavai leh khawningailo haw chun, “Ziate lawi hi ei hung panpi lo a hiziak un, a ji leh chateu chiat kichan kit uh hen la, gâllâk bangma dang chansak puai tiu in, chia mai uh hen,” a tiu a.

²³ Himaleh, David in, “Unaute haw, Lalpa‘n ei piakte chung ah zia gual chun bawl kiu in; ama’n ei hukdok jel in, ei do-te chu I khut un ei pia ta ngâl a.

²⁴ Zia gual ah la thugen uh chu kua’n pom ding a hiu em? Galdo ah kuante leh van ngâk ah a la pangte chu, a leng un chan kibang tak ah hop piak chiat ding ahi,” ti’n a gen a.

²⁵ Zia ni kipat chun Israelte’n a zui ding uh dan thu a pia ta’n; tu’ni tiang hin a zui den tau hi.

²⁶ David chu Ziklag a hung tun kit phatin, a gâl lâk lak ua bang a hem jat chu a gualteu, Judah upate kiang in a thot un, a kiang un, “Lalpa mêlmate ah kipat gâl lâk lak ah kipat nang uh chan ding ah thilpiak ahi,” ti’n thu a thot a.

²⁷ Zia gual ma chun Bethel ah umte, mallam ah Ramoth ah umte, Jather ah umte,

²⁸ Aroer ah umte, Siphmoth ah umte, Esthtemoa ah umte,

²⁹ Rakal ah umte, Jeramil khawpi ah umte, Kent mite khawpi ah umte,

³⁰ Hormah ah umte, Borashan ah umte, Athakh ah umte,

³¹ Hebron ah umte leh David leh a lawite, a la vâkvêlnau mun zosia ah mite kiang ah chunle thilpiak a thot chiat tai.