1 KHANGTHU 8 - PATHIAN LEKHABU THIANGTHO (BSI)

Benjamin Suante

¹ Benjamin chapa upa pen chu Bela, a pani’na Ashbel, a pathumna Aharah;

² a pali’na Nohah, a pangana Rapha a hiu.

³ Bela chate chu: Addar, Gera, Abihud,

⁴ Abishua, Naaman, Ahoah,

⁵ Gera, Shephuphan leh Huram a hiu hi.

⁶ Ziate hi Ehud chate a hiu ah (amau hi Geba khua chêngte suan leh pâk lak ah a Inkuan dungzui ua hotute, Manahath lam ah sal ah pui mang ah a la umte chu a hiu hi:)

⁷ Naaman, Ahijah leh Gera, zia chu Heglam kiti Uzza leh Ahihud hun suanpa chu ahi.

⁸ Chuleh, Shaharaim in a jite ni Hushim tawh Baara a sawl mang nung in Moab gam ah chun chapa dang a nei nalai hi.

⁹ A ji Hodesh tawh a chateu chu: Jobab, Zibia, Mesha, Malkam,

¹⁰ Jeuz, Sachia leh Mirmah a hiu ah. Zia a chate hi a Inkuan dungzui ua hotu chu a hiu hi.

¹¹ A ji Hushim tawh le chapa a nei un: Abitub leh Elpaal a hiu hi.

¹² Elpaal chate chu: Eber, Misham leh Shemed a hiu ah, amau hin Ono leh Lod khawpite leh a khawpelteu haw hi a sat ui;

¹³ chuleh, Beriah tawh Shema (Aijalon khua chêngte lakah a Inkuanteu hotu ah pang, Gath khua mite a la delmangte kha a hiu a.)

¹⁴ Ahio, Shashak leh Jeremoth,

¹⁵ Zebadiah, Arad, Eder,

¹⁶ Mikael, Ishpah leh Joha te hi Beriah chate chu a hiu hi.

¹⁷ Zebadiah, Meshullam, Hizki, Heber,

¹⁸ Ishmerai, Izliah leh Zobab cheng hi Elpaal chate a hiu a,

¹⁹ Jakim, Zikhri, Zabdi,

²⁰ Elienai, Zillethai, Eliel,

²¹ Adaiah, Beraiah leh Shimrath cheng hi Shimei chate a hiu hi.

²² Ishpam, Eber, Eliel,

²³ Abdon, Zikhri, Hanan,

²⁴ Hananiah, Elam, Anthothijah,

²⁵ Iphdeiah leh Penuel cheng hi Shashak chate a hiu a,

²⁶ Shamsherai, Shehariah, Athaliah,

²⁷ Jaareshiah, Elijah leh Zikhri cheng hi Jehoram chate a hiu hi.

²⁸ Ziate haw hi a phunggui kisuina dungzui leh, a Inkuan dungzui ua hotu pen chiat a hiu a, amau hi Jerusalem khua’n a chêng chiat ui.

²⁹ Gibeon pa, Jeiel chu Gibeon khua’n a chêng ah, a ji min chu Maakah ahi.

³⁰ A cha upa pen chu Abdon ahi’n; a ban ah Zur, Kish, Baal, Nadab,

³¹ Gedor, Ahio, Zekher,

³² chuleh, Shimeah pa Mikloth cheng hi a hiu a, amau cheng hile a chanaute tawh kigâlchân in, Jerusalem khua’n a chêng chiat ui.

³³ Ner in Kish a hing a, Kish in Saul a hing a, Saul in Jonathan, Malkhishua, Abinadab leh Esh-baal a hing a;

³⁴ Jonathan chapa Merib-baal ahi; Merib-baal chun Mikah a hing hi.

³⁵ Mikah chate chu: Pithon, Melek, Tarea leh Ahaz a hiu.

³⁶ Ahaz in Jehoaddah a hing a, Jehoaddah in Alemeth, Azmaveth leh Zimri a hing a; Zimri in Moza a hing hi.

³⁷ Moza chun Binea a hing a; Binea chapa chu Raphah a hing a, ama chapa chu Eleasha ahi’n, ama chapa chu Azel ahi.

³⁸ Azel in chapa paguk a nei ah, a min uh chu: Azrikam, Bokheru, Ishmael, Sheariah, Obadiah leh Hanan a hiu ah; ziate hi a leng un Azel chate ngen a hiu hi.

³⁹ A suapipa Eshek chate chu: A chapa upa pen Ullam, apani’na Jeush, a pathumna Eliphelet a hiu hi.

⁴⁰ Ulam chate chu mi hat leh hangsan, thal kap thiam ngen a hiu a, tu leh cha tam tak, za leh sawmnga hial a nei ua. Ziate zosia hi Benjamin suante ngen a hiu hi.