1 KHANGTHU 3 - PATHIAN LEKHABU THIANGTHO (BSI)

David leh Solomon Suante

¹ Hebron ah piang, David chate chu ziate hi a hiu a: A upa pen chu Jezreel mi Ahinoam tawh a chapau Amnon ahi’n; a pani’na chu Karmel mi Abigail tawh a chapau Danial ahi’n;

² a pathumna chu Geshur lengpa Talmai chanu Maakah tawh a chapau Absalom ahi’n; a pali’na chu Haggith tawh a chapau Adonijah ahi’n;

³ a pangana chu Abital tawh a chapau Shephatiah ahi’n; a pagukna chu a ji Eglah tawh a chapau Ithream a hiu hi;

⁴ Hebron khua kum sagi leh tha guk vai a hawm sung in chapa paguk a nei hi. Chuleh, Jerusalem khua’n kum sawmthum leh thum sung vai a hawm hi.

⁵ Ziate hi Jerusalem khua piang a hiu: Shimea, Shobab, Nathan tawh Solomon; zia cheng pali hi Ammiel chanu Bath-shua tawh a chateu a hiu a;

⁶ ziazaw chun, Ibhar, Elishama, Eliphelet,

⁷ Nogah, Nepheg, Japhia,

⁸ Elishama, Eliada tawh Eliphelet, pakuate hi a piang ui.

⁹ Ziate hi a thâikemte tawh a chate sim lo ah David cha pawsalte ngawn chu a hiu a; Tamar bep chu a chanu ahi.

¹⁰ Solomon suante chu: a chapa Rehoboam chapa chu Abijah, ama chapa chu Asa, ama chapa chu Jehoshaphat,

¹¹ ama chapa chu Joram, ama chapa chu Ahaziah, ama chapa chu Joash,

¹² ama chapa chu Amaziah, ama chapa chu Azariah, ama chapa chu Jotham,

¹³ ama chapa chu Ahaz, ama chapa chu Hezekiah, ama chapa chu Manasseh,

¹⁴ ama chapa chu Amon, ama chapa chu Josiah ahi.

¹⁵ Josiah chapate chu: a upa pen Johanan, a pani’na chu Jehoiakim, a pathumna chu Zedekiah, a pali’na chu Shallum a hiu.

¹⁶ Jehoiakim suante chu: A chapa Jekoniah, ama chapa chu Zedekiah;

¹⁷ chuleh, sal ah tâng Jekoniah chapate chu: a chapa Shealtiel,

¹⁸ Malkhiram, Pedaiah, Shenazzar, Jekamiah, Hoshama leh Nebadiah a hiu,

¹⁹ Pedaiah chapate chu: Zerubbabel tawh Shimei a hiu ah; chuleh, Zerubbabel chapate chu: Meshullam, Hananiah tawh a suapinu Shelomith tawh,

²⁰ Hashubah, Ohel, Berekhiah, Hasadiah tawh Jushab-hesed, a leng un panga a hiu hi.

²¹ Hananiah in chapa pani a nei a: Pelatiah tawh Jeshaiah a hiu ah; Jeshaiah chapa chu Rephaiah ahi’n, ama chapa chu Arnan ahi’n, ama chapa chu Obadiah ahi’n, ama chapa chu Shekaniah ahi.

²² Shekaniah in chapa pakhat a nei ah, a min chu Shemaiah ahi. Shemaiah chapa pangate chu: Hattush, Igal, Bariah, Neariah leh Shaphat a hiu.

²³ Neariah chapa pathumte min chu: Elioenai, Hizkiah tawh Azrikam a hiu a,

²⁴ Elioenai chapa sagite min chu: Hodaviah, Eliashib, Pelaiah, Akkub, Johanan, Delaiah tawh Anani a hiu.