1 KHANGTHU 1 - PATHIAN LEKHABU THIANGTHO (BSI)

Adam ah Kipat Abraham Tiang

¹ Adam, Seth, Enosh;

² Kenan, Mahalalel, Jared;

³ Enok, Methuselah, Lamek;

⁴ Noah, Shem, Ham leh Japheth.

⁵ Japheth leh a suante chu: Gomer, Magog, Madai, Javan, Tubal, Meshek leh Tiras a hiu.

⁶ Gomer suante chu: Ashkenaz, Riphath leh Togarmah a hiu.

⁷ Javan suante chu: Elisha, Tarshish, Kittim tawh Rodanim a hiu.

⁸ Ham suante chu: Kush, Aigupta, Put leh Kanaan a hiu.

⁹ Kush suante chu: Sheba, Havilah, Sabta, Raama leh Sabeka a hiu. Raamah suante chu: Sheba leh Dedan a hiu.

¹⁰ Kush chun Nimrod a hing a; ama chu leichung ah mihat minthang masa pen ahi.

¹¹ Aigupta chun Ludte, Anamte, Lehabte, Naphtuhte,

¹² Pathrusimte, Kasluhimte leh Philistinte suantu bul Kaphtorimte hi a hing hi.

¹³ Kanaan chate chu: a cha upa pen Sidon ban ah Heth leh,

¹⁴ Jebus mite, Amor mite, Girgash mite,

¹⁵ Hiv mite, Arki mite, Sin mite,

¹⁶ Arvad mite, Zemar mite leh Hamath mite a hiu hi.

¹⁷ Shem suante chu: Elam, Asshur, Arpaksad, Lud, Aram, Uz, Hal, Gether leh Meshek.

¹⁸ Arpaksad in Shelah a hing a; Shelah chun Eber a hing hi.

¹⁹ Eber in chapa pani a nei a: Pakhatpa min chu Peleg ahi (ama damlai in lei a kikhen hi;) a naupa min chu Joktan ahi.

²⁰ Joktan in: Almodad, Sheleph, Hazarmaveth, Jerah,

²¹ Hadoram, Uzal, Diklah,

²² Ebal, Abimael, Sheba,

²³ Ophir, Havilah leh Jobab a hing hi.

²⁴ Shem, Arpaksad, Shelah,

²⁵ Eber, Peleg, Reu,

²⁶ Serug, Nahor, Terah,

²⁷ Abram, zia chu Abraham, cheng chu ahi.

Abraham Ah Kipat Jakob Tiang

²⁸ Abraham chate chu: Isak tawh Ishmael a hiu a,

²⁹ a khanggui uh chu zia gual hi ahi: Ishmael cha upa pente chu Nebaioth; chuleh Kedar, Adbeel, Mibsam,

³⁰ Mishma, Dumah, Massah, Hadad, Tema,

³¹ Jetur, Naphish leh Kedemah a hiu a. Ziate chu Ishmael chate chu a hiu.

³² Abraham thâikem Keturah chate chu: Zimran, Jokshan, Medan, Median, Ishbak leh Shuah a hiu. Jokshan chate chu: Sheba leh Dedan a hiu.

³³ Midian chate chu: Ephah, Epher, Hanokh, Abida leh Eldaah a hiu a, ziate zosia hi Keturah suante chu a hiu hi.

Esau Suante

³⁴ Abraham chu Isak pa ahi’n, Isak chate chu: Esau tawh Israel a hiu a,

³⁵ Esau chate chu: Eliphaz, Reuel, Jeush, Jalam leh Korah a hiu hi.

³⁶ Eliphaz chate chu: Teman, Omar, Zephi, Gatam, Kenaz, Timna leh Amalek a hiu a;

³⁷ Reuel chate chu: Nahath, Zerah, Shammah leh Mizzah a hiu hi.

³⁸ Seir chate chu: Lotan, Shobal, Zibeon, Anah, Dishon, Ezer leh Dishan a hiu.

³⁹ Lotan chate chu: Hori leh Homam a hiu a; Lotan suapinu min chu Timna ahi.

⁴⁰ Shobal chate chu: Alian, Mamahath, Ebal, Shephi leh Onam a hiu hi. Zibeon chate chu: Aiah, leh Anah a hiu.

⁴¹ Anah cha chu, Dishon ahi. Dishon chate chu: Hamran, Eshban, Ithran leh Kheran a hiu hi.

⁴² Ezer chate chu: Bilhan, Zaavan leh Jaakan Akhan a hiu a; Dishan chate chu: Uz leh Aran a hiu.

⁴³ Israelte lak ah leng a um ma pek in, Edom gam ah chun ziate hi leng vaihawm in a la pang tau a: Beor chapa Bela; a khawpi min chu Dinhabah ahi.

⁴⁴ Bela a thi phatin, Bozrah khua’ Zerah chapa Jobab in a tha a sâng hi.

⁴⁵ Jobab thi’nung in, a thasâng in Teman gam mi Husham a pang hi.

⁴⁶ Husham thi’nung in, Bedad chapa Hadad in a tha a sâng ah; ama chun Moab gam ah Midiante chu a la zo in; a khawpi min chu Avith ahi.

⁴⁷ Hadah thi’nung in, a thasâng in Masrekah khua um Samlah a pang hi.

⁴⁸ Samlah thi’nung in, Euphrates luipi pang ah Rehoboth ah cheng Shaul chu a thasâng in a pang hi.

⁴⁹ Shaul thi’nung in, Akhbor chapa Baal-hanan in a tha a sâng a;

⁵⁰ Baal-hanan thi’nung in, a thasâng in Hadad a pang a; a khawpi min chu Pai ahi’n, a ji chu Matred chanu Mehetabel ahi, ama chu Mezahab tunu ahi.

⁵¹ Chun, Hadad chule a thi tai. Edomte phung min haw chu: Timna, Aliah Jetheth,

⁵² Oholibamah, Elah, Pinon,

⁵³ Kenaz, Teman, Mibzar,

⁵⁴ Magdiel leh Iram a hiu ah; ziate hi Edomte phung minte chu ahi.